साईमत, चाळीसगाव : प्रतिनिधी
चाळीसगाव एज्युकेशन सोसायटी चाळीसगावचे बी.पी.आर्ट्स, एस. एम. ए. सायन्स अँड के.के. सी. कॉमर्स कॉलेज आणि के. आर. कोतकर ज्युनिअर कॉलेज चाळीसगाव येथे महाविद्यालयाचा वार्षिक अंक ‘उन्मेष’ नियतकालिकाचे प्रकाशन सुरेश स्वार (चेअरमन, सिनिअर कॉलेज कमिटी) यांच्या हस्ते नुकतेच करण्यात आले. याप्रसंगी महाविद्यालयाचे प्राचार्य डॉ.एम. व्ही. बिल्दीकर, उपप्राचार्य डॉ.ए. व्ही. काटे, उपप्राचार्य प्रा.डी.एल.वसईकर, उपप्राचार्य डॉ.कला खापर्डे, संपादक डॉ.सुनीता कावळे आदी उपस्थित होते.
यावेळी सुरेश स्वार यांनी विद्यार्थ्यांच्या कलागुणांना व्यासपीठ मिळणार आहे. त्यामुळे त्यांना आपल्या कथा, कविता, लेख लिहायला प्रोत्साहित करावे. त्यांना आपल्या भावना, विचार लिहिण्यासाठी हे एक प्रभावी माध्यम असल्याचे मत व्यक्त केले. यावेळी प्राचार्य डॉ.एम.व्ही.बिल्दीकर यांनीही मनोगत व्यक्त केले. याप्रसंगी संपादक मंडळातील सर्व सदस्यांचा सत्कार करण्यात आला. कार्यक्रमाला सर्व विद्यार्थी, प्राध्यापक, शिक्षकेत्तर कर्मचारी उपस्थित होते. प्रास्ताविक ‘उन्मेष’च्या संपादक डॉ.सुनीता कावळे तर आभार प्रा. आर.एस.पाटील यांनी मानले.
