साईमत जळगाव प्रतिनिधी
येथील जुन्या औद्योगिक वसाहत मधील सिद्धिविनायक प्राथमिक माध्यमिक व इंग्रजी माध्यम विद्यालयात भारतीय स्वातंत्र्याचा 77वा स्वतंत्रता दिवस समारोह उत्साहात साजरा करण्यात आला. वैद्यकीय अधिकारी डॉक्टर शंतनु भारद्वाज यांच्या हस्ते ध्वजारोहण करण्यात आले. याप्रसंगी संस्थेच्या पदाधिकारी डॉक्टर अमृता सोनवणे , नगरसेविका सौ रंजनाताई वानखेडे, सेवानिवृत्त मुख्याध्यापक उत्तम दादा सपकाळे, सामाजिक कार्यकर्ते श्री. विजय वानखेडे श्री.जनार्धन खडके उपस्थित होते . उपस्थित मान्यवरांच्या हस्ते वृक्ष व ट्री गार्ड वाटप करण्यात आलेत.
स्वातंत्र्य दिनानिमित्त विद्यालयातील विद्यार्थ्यांनकडून 77 जागी वृक्षारोपण करण्यात आले. वृक्ष लागवडीसाठी लिग्रांड प्रायव्हेट लिमिटेड कडून झाडांची रोपे व ट्री गार्ड उपलब्ध करून देण्यात आले. विद्यालयातील विद्यार्थ्यांनी सुंदर अशी देशभक्तीपर गीते सादर करून उपस्थितांचे लक्ष वेधून घेतले. कार्यक्रमास आलेल्या मान्यवरांचे स्वागत मुख्याध्यापक आर पी खोडपे व गुलाबराव पाटील यांनी केले तर सूत्रसंचालन श्री अनिल माकडे वआर. एस. पाटील यांनी केले. कार्यक्रमास विद्यार्थी व परिसरातील नागरिक बहुसंख्येने उपस्थित होते. कार्यक्रमाच्या यशस्वीतेसाठी विद्यालयातील श्री अनिल चव्हाण, श्री सत्यजित वाघ, राहुल सोनवणे, दिनकर चौधरी, व शिक्षक वृंदांनी परिश्रम घेतले.
