साईमत, धरणगाव: प्रतिनिधी
शहरातील पारधीवाडा येथे ४४ वर्षीय प्रौढाचा रस्त्याने पायी जात असतांना चारचाकी वाहनाने दिलेल्या धडकेत जागीच मृत्यू झाल्याची घटना गेल्या २९ सप्टेंबर रोजी रात्री ८ वाजता घडली होती. याप्रकरणी मंगळवारी, १० ऑक्टोबर रोजी धरणगाव पोलीस ठाण्यात चारचाकी वाहनावरील अज्ञात चालकावर गुन्हा दाखल केला आहे. जितेंद्र हिलाल पारधी (वय ४४, रा. पारधीवाडा, धरणगाव) असे मयताचे नाव आहे.
सविस्तर असे की, धरणगाव शहरातील पारधीवाडा येथे जितेंद्र पारधी हे आपल्या परिवारासह वास्तव्याला होते. मजूरीचे काम करून ते आपला उदरनिर्वाह करत होते. गेल्या २९ सप्टेंबर रोजी रात्री ८ वाजेच्या सुमारास कामावरून घरी पायी जात होते. तेव्हा मागून चारचाकी वाहन (क्रमांक एमएच १९ ईए ५४४४) ने जोरदार धडक दिली. अपघातात जितेंद्र पारधी हे गंभीर जखमी झाल्याने त्याचा मृत्यू झाला. अपघात होताच चालक हा चारचाकी वाहन घेवून पसार झाला होता. याप्रकरणी अज्ञात चालकावर गुन्हा दाखल केला आहे. तपास सहाय्यक फौजदार रामदास पावरा करीत आहे.
