परिसरात निर्माण झाले भावूक वातावरण
साईमत। लोहारा, ता.पाचोरा।प्रतिनिधी।
येथे दरवर्षीप्रमाणे श्री गणेशोत्सव मोठ्या प्रमाणात शांततेत पार पडला. अनंत चतुर्थीच्या दिवशी गावासह घराघरातून ‘गणपती बाप्पा मोरया….पुढच्या वर्षी लवकर या…’ असा जयघोष निनादला होता. सर्व घरगुती गणपती मंडळ व सार्वजनिक मित्र मंडळ यांनी शांततेत ढोल ताशांच्या गजरात मिरवणूक काढली. यावेळी गावात भक्तीमय वातावरण निर्माण झाले होते. महिला, पुरुष मंडळी गणपतीची विधीवत पूजाअर्चा करीत होते. गणपती बाप्पा जात असल्याने सर्वत्र भावूक वातावरण निर्माण झाले होते. मिरवणुकीत शांतता सुव्यवस्था राखण्यासाठी पोलीस पाटील यांच्यासह लोहारा पोलीस दुरुक्षेत्राच्या कर्मचाऱ्यांनी परिश्रम घेतले.
