साईमत, पहुर, ता.जामनेर : वार्ताहर
येथील पहुर गु्रप एज्युकेशन सोसायटी संचलित आर.टी.लेले हायस्कुल व ज्युनिअर कॉलेजमध्ये पत्रकार दिनानिमित्त पत्रकारांचा नुकताच गौरव करण्यात आला. अध्यक्षस्थानी मनोज जोशी होते. यावेळी आद्य पत्रकार आचार्य बाळशास्त्री जांभेकर यांच्या स्मृतीस अभिवादन करण्यात आले.
यावेळी पहुर पत्रकार संघटनेचे अध्यक्ष प्रवीण कुमावत, उपाध्यक्ष शरद बेलपत्रे, गणेश पांढरे, शांताराम लाठे, रवींद्र घोलप, सादीक शेख, रवींद्र लाठे, शंकर भामेरे, जयंत जोशी, किरण जाधव, हरीभाऊ राऊत यांच्यासह उपस्थित सर्व पत्रकार बांधवांचा विद्यालयाच्यावतीने शाल, श्रीफळ देऊन सत्कार करण्यात आला. यावेळी मुख्याध्यापक एस.व्ही.पाटील, मनोज जोशी, शंकर भामेरे, रवींद्र घोलप यांनी मनोगत व्यक्त केले. प्रास्ताविक तथा सूत्रसंचालन आर.टी. देशमुख तर आभार एस.आर.सोनवणे यांनी मानले.
