साईमत, पहुर, ता. जामनेर : वार्ताहर
रावेर लोकसभा मतदारसंघाच्या भाजप युतीच्या उमेदवार रक्षाताई खडसे यांनी पहूर येथे मतदारांशी संवाद साधला. सायंकाळी पाच वाजता बस स्थानक येथे छत्रपती शिवाजी महाराज चौकातून प्रचार फेरीला सुरुवात झाली. पहूर पेठ, पहूर कसबे गावातून भाजपा कार्यकर्त्यांनी प्रचार रॅलीत सहभाग नोंदविला. त्यांनी प्रचारात आघाडी घेतल्याचे दिसत आहे.
गावात ठिकठिकाणी त्यांचे स्वागत करण्यात आले. नुकतेच भाजपवासी झालेले माजी कृषी सभापती प्रदीप लोढा यांच्या निवासस्थानी त्यांनी भेट दिली. यावेळी छाया लोढा, उज्ज्वला लोढा, प्राची लोढा, प्रांजल लोढा यांनी त्यांचे स्वागत केले.
प्रचार फेरीत राजधर पांढरे, राजू पाटील, अरुण घोलप, बाबुराव घोंगडे, शंकर जाधव, रामेश्वर पाटील, श्याम सावळे, वासुदेव घोंगडे, राजू जाधव, योगेश बनकर, शैलेश पाटील, योगेश भडांगे, चेतन रोकडे, गणेश जाधव यांच्यासह कार्यकर्ते सहभागी झाले होते.
