साईमत जळगाव प्रतिनिधी
येथील श्री महर्षि वाल्मिक क्रीडा व शिक्षण प्रसारक संस्था आयोजित आद्यकवी श्री महर्षि वाल्मिक जयंती निमित्त आंतरशालेय खो-खो स्पर्धेस वाल्मिक नगर मधील नवीन बालविकास विद्या मंदिराच्या प्रांगणात उत्साहात सुरूवात झाली.
स्पर्धेचे उदघाटन आ. राजुमामा भोळे यांनी आद्यकवी श्री महर्षि वाल्मिक यांच्या पुतळ्याचे पूजन करून श्रीफळ वाढवून केले. याप्रसंगी मंडळाचे संस्थापक सचिव प्रभाकरआप्पा सोनवणे, सदस्य भरत सपकाळे, माजी खेळाडू निलेश(आबा) तायडे, भाऊसाहेब राऊत विद्यालयाचे मुख्याध्यापक एल. एस. तायडे, जळगाव जिल्हा खो-खो असोसिएशनचे सचिव राहुल पोळ, एन. डी. सोनवणे, जळगाव जिल्हा ॲथलेटिक्स असोसिएशनचे सचिव राजेश जाधव, जळगाव जिल्हा तलवारबाजी असोसिएशनचे सचिव प्रशांत जगताप, जळगाव जिल्हा डॉजबॉल असोसिएशनचे सहसचिव नितिन पाटील, अर्जुन भारुडे यांची उपस्थिती होती.
कार्यक्रमाचे सूत्रसंचालन मंडळाचे प्रशिक्षक विष्णू ठाकरे यांनी केले. आर आर विद्यालय, अनुभूती स्कुल, अभिनव विद्यालय, श्रीराम विद्यालय, भाऊसाहेब राऊत विद्यालय, ला. ना. सार्वजनिक विद्यालय,श्री महर्षी वाल्मिक विद्यालय, प्रगती विद्यालय, सेंट लॉरेन्स स्कुल या संघादरम्यान सामने झाले. स्पर्धेत पंच म्हणून जळगाव जिल्हा खो – खो असोसिएशनचे विशाल पाटील, दिलीप चौधरी, हेमंत ठाकूर, निरंजन ढाके, तुषार सोनवणे, गोपाल पवार, विजय क्षिरसागर, छगन मुकडे हे काम पहात आहे यशस्वीतेसाठी मयुर सोनार, ईश्वर सनंसे, पवन सोनवणे, स्वप्नील कोळी, सागर सोनवणे, तेजस सपकाळे, मयुर सपकाळे, राकेश सोनवणे आदी परिश्रम घेत आहे.
