साईमत जळगाव प्रतिनिधी
नाशिक येथील कथित लैंगिक अत्याचार प्रकरणाने राज्यभरात खळबळ उडवली आहे. या प्रकरणात आरोपी कॅप्टन अशोक खरात यांच्यावर कठोर कारवाई करण्यात यावी, अशी मागणी करत जळगावात शिवसेना ठाकरे गट आक्रमक झाला आहे.
दरम्यान, प्रकरणात महिला आयोगाच्या अध्यक्षा रूपाली चाकणकर यांच्याही सहभागाचा आरोप गटाने केला आहे. त्यांच्या फोटो आरोपी खरात यांच्यासोबत व्हायरल झाल्याने, प्रकरणात आयोगाच्या अध्यक्षा पदावर त्या कायम राहिल्यास हस्तक्षेप होण्याची शक्यता असल्याचे आंदोलकांनी म्हटले. त्यामुळे त्यांचा तात्काळ राजीनामा घेण्यात यावा, अशी तीव्र मागणी करण्यात आली.
यावेळी जळगाव जिल्हाधिकारी कार्यालयासमोर आंदोलन थाटले गेले. शिवसेना ठाकरे गटाचे महिला आघाडी प्रमुख मनीषा पाटील, उपजिल्हाप्रमुख भाऊसाहेब सोनवणे आणि इतर पदाधिकारी मोठ्या संख्येने उपस्थित होते. आंदोलकांनी जोरदार घोषणाबाजी करत प्रकरणाची त्वरीत आणि कठोर कारवाई करण्याची मागणी केली.
शिवसेना गटाचे पदाधिकारी म्हणाले, “महिला सुरक्षेसाठी आणि न्यायासाठी राज्य प्रशासनाने कठोर पावले उचलावीत. अशा प्रकारच्या घटनांना संरक्षण मिळू नये, यासाठी दोषींवर त्वरित कारवाई हवी.”
नाशिक प्रकरणामध्ये खरात यांना आधीच अटक करण्यात आलेली आहे, मात्र त्याच्यासोबत महिला आयोगाच्या अध्यक्षा पदावर राहिल्यास न्याय प्रक्रियेत अडथळा निर्माण होऊ शकतो, असे गटाच्या नेत्यांनी विधान केले.
