साईमत, भडगाव : प्रतिनिधी
तालुक्यातील वडगाव नालबंदी येथील रहिवासी तथा सामाजिक कार्यकर्ते मोरसिंग दलु राठोड यांनी सामाजिक जीवनात केलेल्या कार्यामुळे तळागाळातील वंचित समाजाच्या सर्वांगिण विकासासाठी प्रयत्न केले आहे. त्यांच्या कार्याची दखल घेऊन त्यांना महाराष्ट्र शासनाच्यावतीने डॉ. बाबासाहेब आंबेडकर ‘समाज भूषण’ पुरस्कार देऊन सन्मानित करण्यात आले.
हा पुरस्कार नॅशनल सेंटर फॉर पर फर्मिंग आर्ट्स, मुंबई येथे मुख्यमंत्री एकनाथ शिंदे, उपमुख्यमंत्री, देवेंद्र फडणवीस, उपमुख्यमंत्री अजित पवार तसेच सामाजिक न्याय व विशेष सहाय्य विभाग सचिव सुमंत भांगे, समाजकल्याण आयुक्त ओमप्रकाश बकोरिया यांच्या हस्ते देण्यात आला. यावेळी अखिल भारतीय बंजारा सेनेचे अध्यक्ष कांतीलाल नायक उपस्थित होते. मोरसिंग राठोड यांना पुरस्कार मिळाल्याबद्दल त्यांचे जिल्ह्यातून सर्वत्र कौतुक होत आहे.
