साईमत लाईव्ह मुंबई प्रतिनिधी :
शिंदे गटाचे आमदार बच्चू कडू यांच्या विरोधात गुन्हा दाखल करण्यात आला आहे. राजकीय आंदोलन केल्याप्रकरणी गिरगाव कोर्टाने बच्चू कडू यांना न्यायालयीन कोठडी सुनावली आहे. यासोबतच कडू यांचा जामीन अर्ज गिरगाव न्यायालयाने फेटाळून लावला आहे.
माहितीनुसार, सरकारी कर्मचाऱ्याला मारहाण केल्याच्या प्रकरणात मरीन ड्राइव्ह पोलिसांनी ही कारवाई केली आहे. कडू यांना वैद्यकीय तपासणीसाठी नेण्यात येणार आहे. राजकीय आंदोलनाप्रकरणी कडू यांच्यावर गुन्हा दाखल करण्यात आला होता. न्यायालयाने बच्चू कडू यांच्या विरोधात जामीनपत्र वॉरंट बजावला होता. तसेच कडू हे आज न्यायालयासमोर हजर झाले असता त्यांनी जामिनासाठी अर्ज केला; परंतु हा अर्ज न्यायालयाने फेटाळून लावला. यामुळे आता बच्चू कडू यांना न्यायालयीन कोठडी सुनावल्याने पोलिसांनी ताब्यात घेतले आहे.
