एमआयडीसी पोलिसात अज्ञाताविरुध्द गुन्हा दाखल
साईमत/जळगाव/प्रतिनिधी :
शहरातील एका भागात राहणाऱ्या एका पंधरा वर्षीय अल्पवयीन मुलीला अज्ञात व्यक्तीने काहीतरी आमिष दाखवत फूस लावून पळवून नेल्याची घटना गेल्या गुरूवारी, ८ मे रोजी सकाळी ११ वाजता घडली होती. याप्रकरणी शनिवारी, १० मे रोजी दुपारी एमआयडीसी पोलीस ठाण्यात अज्ञात व्यक्तीविरुध्द अपहरणाचा गुन्हा दाखल केल्याचे पोलिसांनी सांगितले.
सविस्तर असे की, जळगाव शहरातील एका भागात १५ वर्षीय अल्पवयीन मुलगी ही आपल्या परिवारासह वास्तव्याला आहे. ८ मे रोजी सकाळी ११ वाजता पीडित मुलगी ही घरी असतांना तिला अज्ञात व्यक्तीने काहीतरी आमिष दाखवत फूस लावून पळवून नेले. ही घटना नातेवाईकांच्या लक्षात आल्यानंतर त्यांनी तिचा सर्वत्र शोध घेतला. परंतू त्यांना कोणतीही माहिती मिळू शकली नाही. अखेर तिच्या पालकांनी एमआयडीसी पोलीस ठाण्यात धाव घेवून तक्रार दिली. त्यांनी दिलेल्या तक्रारीवरून अज्ञात व्यक्तीविरुध्द गुन्हा दाखल केला आहे. तपास पोलीस उपनिरीक्षक मोहन पाटील करीत आहे.
