सिल्लोड-सोयगावातून रंगनाथ काळे यांना उमेदवारी जाहीर करण्याची कार्यकर्त्यांनी घातली गळ
साईमत/सोयगाव/प्रतिनिधी :
महाविकास आघाडीच्या नुकत्याच सोयगावला झालेल्या संवाद यात्रा बैठकीत सिल्लोड-सोयगाव मतदार संघाची जागा कोणत्याही परिस्थितीत ताब्यात घ्यावी, असा निर्णय घेत सोयगावात महाविकास आघाडीच्या संवाद यात्रेला प्रारंभ करण्यात आला आहे. यावेळी आगामी विधानसभेच्या निवडणुकीत महाविकास आघाडीच्या कोणत्याही उमेदवाराला उमेदवारी मिळाली तरी एकजुटीने काम करण्याचे राष्ट्रवादी काँग्रेसचे पक्षनिरीक्षक (शरद पवार गट) मूलचंद पवार यांनी कार्यकर्त्यांना सांगितले. बैठकीत तालुका राष्ट्रवादी काँग्रेसच्या कार्यकर्त्यांनी रंगनाथ काळे यांना सिल्लोड-सोयगाव मतदार संघातून उमेदवारी जाहीर करण्याची गळ घातली.
लोकसभा निवडणुकीत महाविकास आघाडीला सिल्लोड-सोयगावात मिळालेल्या यशानंतर महाविकास आघाडीची मूठ घट्ट केली आहे. त्यामुळे शनिवारी राष्ट्रवादी काँग्रेसचे पक्ष निरीक्षक मूलचंद पवार यांच्या नेतृत्वाखाली संवाद यात्रा बैठक घेण्यात आली. बैठकीला काँग्रेसचे शांतीलाल अग्रवाल, ज्येष्ठ नेते रंगनाथ काळे, सहकार सेलचे जिल्हाध्यक्ष राजेंद्र पवार, उध्दव ठाकरे शिवसेनेचे तालुकाध्यक्ष दिलीप मचे, काँग्रेसचे तालुकाध्यक्ष राजू काळे, राष्ट्रवादी काँग्रेसचे तालुकाध्यक्ष डॉ.इंद्रजित सोळुंके, राष्ट्रवादीचे शहराध्यक्ष रवी काळे, काँग्रेसचे शहराध्यक्ष दिनेश हजारी, ज्येष्ठ नेते राजेंद्र अहिरे आदींची उपस्थिती होती.
सिल्लोड-सोयगावची जागा मविआच्या ताब्यात येण्यासाठी घेतला एकमुखी निर्णय
बैठकीत शिवसेना (उध्दव ठाकरे गट) तालुका प्रमुख दिलीप मचे, काँग्रेसचे भरत पगारे, राजू अहिरे, अजय नेरपगारे आदींनी सूचना उपस्थित केल्या होत्या. ज्येष्ठ नेते रंगनाथ काळे यांनी येणाऱ्या काळात यापूर्वीच्या चुका बाजुला ठेवून महाविकास आघाडीच्या पदाधिकाऱ्यांसह कार्यकर्त्यांनी आतापासूनच विधानसभा निवडणुकीच्या कामाला लागावे. तसेच नवीन कार्यकर्त्यांना सोबत घ्या, अश्या सूचना दिल्या. संवाद यात्रेत महाविकास आघाडीची मूठ घट्ट करून कोणत्याही स्थितीत सिल्लोड-सोयगावची जागा महाविकास आघाडीच्या ताब्यात येण्यासाठी एकमुखी निर्णय कार्यकर्त्यांसह पदाधिकाऱ्यांनी घेतला.
यांची होती उपस्थिती
बैठकीला कृष्णा जुनघारे, दीपक देशमुख, राजू पाटील, चंदू काळे, भरत पगारे, सुधीर पठाडे, उबाठाचे शहराध्यक्ष रवींद्र काटोले, शरद दामोदर, योगेश महाकाळ, शेख शफीक, सुधाकर सोहनी, शेख निसार, अलीबाबा तडवी, राजू पाटील, काँग्रेसचे महिला आघाडीच्या विमल खैरनार, कमल पगारे आदींची उपस्थिती होती. आभार कृष्णा जुनघरे यांनी मानले.
