साईमत, चाळीसगाव : प्रतिनिधी
येथील राष्ट्रीय सहकारी शिक्षण प्रसारक मंडळ येथील कळमडू माध्यमिक विद्यालयाचे शिक्षक तथा व्याख्याते प्रदीप देसले यांना अखिल भारतीय मराठा महासंघातर्फे एरंडोल तालुक्यातील श्रीक्षेत्र पद्मालय येथे नुकतेच आदर्श समाजसेवक पुरस्कार देऊन सन्मानित करण्यात आले.
यावेळी खा.श्रीमती स्मिताताई वाघ, अखिल भारतीय मराठा महासंघाचे राष्ट्रीय सरचिटणीस संभाजी राजे दहातोंडे, राष्ट्रीय संघटक डॉ.गजेंद्र भोसले, जिल्हाध्यक्ष दिलीप पाटील, जिल्हा उपाध्यक्ष पी.एम.पाटील, जिल्हा संपर्क प्रमुख खुशाल बिडे, जिल्हा कार्याध्यक्ष सुरेश पाटील, जिल्हा कोषाध्यक्ष अशोक भोसले, जिल्हा संघटक बी.बी.भोसले, जिल्हा सल्लागार संभाजी इंगळे, मच्छिंद्र पाटील, जिल्हा सचिव साहेबराव पाटील, उ.बा.ठाकरे गटाच्या महिला जिल्हाध्यक्ष महानंदा पाटील, पंचायत समितीचे सभापती तथा पद्मालय देवस्थान ट्रस्टचे अध्यक्ष आनंदराव पाटील यांच्यासह पदाधिकारी, कार्यकर्ते उपस्थित होते.
