साईमत, कजगाव, ता. भडगाव : वार्ताहर
येथील कमलशांती व्यापारी ग्रामीण बिगर शेती सहकारी पतसंस्थेची पंचवार्षिक निवडणूक बिनविरोध जाहीर करण्यात आली. त्यात पतसंस्थेच्या चेअरमनपदी राजेश अशोकलाल न्याती तर व्हा.चेअरमनपदी गोविंदा सखाराम महाजन यांची बिनविरोध निवड जाहीर करण्यात आली.
येथील कमलशांती व्यापारी ग्रामीण बिगर शेती सहकारी पतसंस्थेची २०२३ ते २०२८ पंचवार्षिक निवडणूक बिनविरोध झाली. गुरुवारी, ३० नोव्हेंबर रोजी भडगाव सहकारी संस्थेचे सहाय्यक निबंधक अविनाश पाटील यांच्या अध्यक्षतेखाली चेअरमन आणि व्हा.चेअरमन पदाची निवड करण्यात आली. यावेळी चेअरमन पदासाठी राजेश अशोकलाल न्याती यांचा एकमेव अर्ज दाखल झाल्याने तसेच व्हा.चेअरमन पदासाठी गोविंदा सखाराम महाजन यांचा एकमेव अर्ज दाखल झाल्याने चेअरमन आणि व्हा.चेअरमन पदाची निवड बिनविरोध जाहीर करण्यात आली.
पतसंस्थेच्या संचालकांमध्ये वसंतराव शिनकर, वसंतराव अमृते, शिवाजी नाना बोरसे, प्रमोद ललवाणी, संजय येवले, उमेश बोरसे, कल्पना शिनकर, जयश्री मालपुरे यांची निवड बिनविरोध करण्यात आली. यानंतर नवनिर्वाचित चेअरमन आणि व्हा.चेअरमन यांचा सत्कार करण्यात आला. मावळते चेअरमन प्रमोद ललवाणी यांचाही संस्थेच्यावतीने सन्मान करण्यात आला. याप्रसंगी निवडणूक निर्णय अधिकारी अविनाश पाटील, प्रेमसिंग पाटील, संस्थेचे व्यवस्थापक कैलास महाजन, वरिष्ठ क्लार्क कैलास पवार, कॅशियर सुरेखा कोतकर, क्लार्क आनंदा पाटील, अभिजित तिवारी, मनोहर मोराणकर यांच्यासह पतसंस्थेचे खातेदार उपस्थित होते.
