साईमत, प्रतिनिधी, जळगाव
जिल्ह्यात पोलीस अधीक्षक म्हणून सेवा दिलेले डॉ.जालिंदर सुपेकर यांचा कृषीसम्राट परिवार व जळगावकरांच्या वतीने विशेष सत्कार आयोजित करण्यात आला होता. नुकतीच डॉ.सुपेकर यांना विशेष पोलीस महानिरीक्षक (कारागृह) महाराष्ट्र या पदावर पदोन्नती मिळाली. लक्ष्मी केमिकल्स प्रा. लिमिटेड चे मॅनेजिंग डायरेक्टर बाळासाहेब सूर्यवंशी हे डॉ. सुपेकरांचे व्याही असल्यामुळे कृषी सम्राट परिवार व जळगावकरांच्या वतीने त्यांचा हा सहृदय सत्कार करण्यात आला.
याप्रसंगी शहरातील विविध क्षेत्रातील मान्यवरांसह आमदार राजुमामा भोळे, रजनीकांतजी कोठारी, भालचंद्र पाटील, प्रमोद पाटील, प्रा.डी.डी. बच्छाव, सुरेंद्र पाटील, अनिल पाटील, अनिल भोकरे, दीपक परदेशी, डॉ.दीपक पाटील, सलीम खान यांच्यासह पोलीस अधिकाऱ्यांची उपस्थिती होती. उपस्थित मान्यवरांनी शुभेच्छापर भाषणात डॉ.सुपेकर साहेबांनी केलेल्या सहकार्याबद्दल विशेष आठवणी सांगितल्या.
कार्यक्रमाप्रसंगी लक्ष्मी केमिकल्स प्रा. लि. चे संचालक नानासाहेब सूर्यवंशी, पराग सूर्यवंशी, कल्पना सूर्यवंशी, डॉ. भाग्यश्री सूर्यवंशी यांच्यासह मान्यवरांतर्फे डॉ. सुपेकर व सौ.पूनम सुपेकर यांचा सपत्नीक विशेष सन्मानपत्र देऊन सत्कार करण्यात आला.
यावेळी डॉ.जालिंदर सुपेकर यांचे जावई तसेच क्लिओन इंडस्ट्रीज प्रा.लि.चे संचालक प्रसाद सूर्यवंशी व कन्या अनुराधा सूर्यवंशी यांनी आपल्या मनोगतातून विशेष आठवणींना उजाळा दिला.
