साईमत, जामनेर : प्रतिनिधी
पुणे येथील क्रीडा व युवक सेवा संचालनालय, जिल्हा क्रीडा परिषद आणि जळगाव जिल्हा क्रीडा अधिकारी कार्यालयातर्फे १४, १७, १९ मुले, मुली वयोगटासाठी लॉर्ड गणेशा स्कूल येथे सोमवारी, ७ ऑगस्ट रोजी तालुकास्तरीय शालेय शासकीय फुटबॉल स्पर्धा घेण्यात आल्या. त्यात १४, १७ वर्ष मुले व मुली गटात लॉर्ड गणेशा स्कूल अव्वल तर १९ वर्ष मुले व मुली गटात इंदिराबाई ललवाणी माध्य.व उच्च माध्यमिक विद्यालय विजयी ठरले आहे. स्पर्धेत १२ संघांनी सहभाग नोंदविला होता.
स्पर्धेचे उद्‌‍‍घाटन शिक्षण विस्तार अधिकारी विजय सरोदे, लॉर्ड गणेशा स्कूल संस्थेचे सचिव अभय बोहरा, प्रशासकीय अधिकारी सतीश मोरे यांच्या हस्ते मैदानाचे पूजन व श्रीफळ वाढवून करण्यात आले. याप्रसंगी तालुका क्रीडा संयोजक डॉ.आसिफ खान, अंजुमन उर्दू हायस्कूल उपमुख्याध्यापक शेख जलाल, पेत्रस शिरसाठ, वसीम अहमद, झहीर खान यांच्यासह शाळेतील क्रीडा शिक्षकांची उपस्थिती होती.
स्पर्धेचे सूत्रसंचालन प्रा.समीर घोडेस्वार यांनी केले. स्पर्धेसाठी मुख्य पंच डॉ. आसिफ खान, पंकज तिवारी, शेख मोहसीन, अबरार जुबेरी यांनी पंच म्हणून काम पाहिले. तालुका स्पर्धा समिती प्रमुख नरेंद्र पाटील, आनंद मोरे, अमोल भालेराव यांनी परिश्रम घेतले. विजयी खेळाडूंचे शिक्षण विस्तार अधिकारी विजय सरोदे, लॉर्ड गणेशा स्कूल संस्थेचे सचिव अभय बोहरा, प्रशासकीय अधिकारी सतीश मोरे, डॉ.आसिफ खान, नरेंद्र पाटील, आनंद मोरे, प्रा.समीर घोडेस्वार यांनी कौतुक केले आहे.
स्पर्धेचा निकाल असा
१४ वर्ष मुले – विजयी- लॉर्ड गणेशा इंग्लिश स्कूल, उपविजयी- अंजुमन हायस्कूल, १४ वर्ष मुली- विजयी – लॉर्ड गणेशा इंग्लिश स्कूल, १७ वर्ष मुले- विजयी – लॉर्ड गणेशा इंग्लिश स्कूल, उपविजयी – अंजुमन हायस्कूल, १७ वर्ष मुली – विजयी – लॉर्ड गणेशा इंग्लिश स्कूल, १९ वर्ष मुले – विजयी – इंदिराबाई ललवाणी माध्य. व उच्च माध्यमिक विद्यालय, १९ वर्ष मुली- विजयी – इंदिराबाई ललवाणी माध्य. व उच्च माध्यमिक विद्यालय.
