साईमत लाईव्ह तुळजापूर प्रतिनिधी
महाराष्ट्र नवनिर्माण सेनेचे अध्यक्ष राजसाहेब ठाकरे यांचे सुपुत्र मनसे नेते अमित ठाकरे यांचे हस्ते जळकोट ता. तुळजापूर येथील ग्रामपंचायतीच्या वतीने करण्यात आलेल्या विविध विकास कामांचे उद्घाटन व लोकार्पण करण्यात आले.
मनसे नेते अमित ठाकरे यांनी जळकोट गावास भेट दिली असता, ग्रा पं . सदस्य तथा मनसे जिल्हाध्यक्ष प्रशांत नवगिरे यांनी त्यांना ग्रामपंचायतीच्या विविध विकास कामांबाबत माहिती दिली. ठाकरे यांनी झालेल्या विकास कामांबाबत समाधान व्यक्त करून या कामांचे उद्घाटन आणि लोकार्पण केले.
या कार्यक्रमाच्या अध्यक्षस्थानी जळकोट गावचे सरपंच अशोक पाटील तर जि.प.सदस्य प्रकाश चव्हाण यांची प्रमुख उपस्थिती होती. मनसे जिल्हाध्यक्ष प्रशांत नवगिरे यांच्या पुढाकारातून या कार्यक्रमाचे आयोजन करण्यात आले होते.
यावेळी मनसे नेते दिलीप बापू धोत्रे, जिल्हासंघटक अमरराजे कदम, उपजिल्हाध्यक्ष महेश जाधव यांचेसह जळकोट ग्रामस्थ मोठ्या संख्येने उपस्थित होते. कार्यक्रम यशस्वीतेसाठी अजय डांबरे, सागर पवार, धनंजय मडोळे, आकाश पटणे यांनी परिश्रम घेतले.
