साईमत, भडगाव : प्रतिनिधी
तालुक्यातील कोळगाव येथील कर्मवीर तात्यासाहेब हरी रावजी पाटील, किसान शिक्षण संस्था, भडगाव, संचलीत गोपीचंद पुना पाटील, कनिष्ठ महाविद्यालयाची विद्यार्थिनी नंदिनी लक्ष्मण सूर्यवंशी (४८ किलो) हिने क्रीडा व युवक सेवा संचलनालय, पुणे तथा धुळे जिल्हा क्रीडा कार्यालयातर्फे जिल्हा क्रीडा संकुल, धुळे येथे आयोजित १७ वर्षाआतील मुलींच्या विभागस्तरीय वुशू स्पर्धेत प्रथमस्थान प्राप्त केले आहे. त्यामुळे तिची राज्यस्तरीय वुशू स्पर्धेसाठी निवड झाली आहे.
नंदिनीला कार्यवाहक रघुनाथ पाटील, आदर्श क्रीडा शिक्षक बी.डी.साळुंखे, राष्ट्रीय खो-खो पंच प्रा.प्रेमचंद चौधरी यांचे मार्गदर्शन लाभले. यशाबद्दल तिचे संस्थेचे पदाधिकारी, प्राचार्य, शिक्षक-शिक्षकेतर, प्राध्यापक-प्राध्यापिका आदींनी कौतुक केले आहे.
