शॉर्ट सर्किटमुळे लागली आग, मनपाचे दोन अग्नीशमन बंब झाले होते दाखल
साईमत/जळगाव/प्रतिनिधी :
शहरातील बेंडाळे चौक ते नेरी नाका दरम्यान असलेल्या चंद्रिका सॉ मिल (वखार व दुकान) येथे गुरुवारी, २६ जून रोजी दुपारी १२ वाजेच्या सुमारास शॉर्ट सर्किटमुळे भीषण आग लागल्याची घडली होती. आगीची माहिती मिळताच जळगाव महानगरपालिकेचे अग्निशमन दलाचे बंब तातडीने घटनास्थळी दाखल झाले होते. त्यानंतर पथकाने आग विझविण्यासाठी प्रयत्न केले. आगीच्या घटनेमुळे परिसरात एकच खळबळ उडाली होती. तसेच घटनास्थळी नागरिकांनी गर्दी केली होती. त्यातील काहींनी माणुसकीचे दर्शन घडवत आग विझविण्यासाठी मदतकार्य केले. दरम्यान, आगीत लाखोंचे साहित्य जळून भस्मसात झाले आहे.
आग विझविण्यासाठीअग्निशमन दलाच्या जवानांनी केले प्रयत्न
आगीने काही वेळातच रौद्ररूप धारण केले. त्यामुळे वखारीतील लाखो रुपये किमतीचे लाकूड, दुकानातील साहित्य, फर्निचर आणि इतर वस्तू जळून खाक झाल्याचा प्राथमिक अंदाज वर्तवला जात आहे. जळगाव महानगरपालिकेच्या अग्निशमन विभागाला माहिती मिळताच, सुरुवातीला दोन अग्निशमन बंब आग विझविण्यासाठी दाखल झाले होते. आगीवर नियंत्रण मिळविण्यासाठी अग्निशमन दलाच्या जवानांनी प्रयत्न केले.
