साईमत, मलकापूर : प्रतिनिधी
मतदान हा मतदारांचा हक्क आहे. परंतु अनेकांकडून मतदान करण्याकडे दुर्लक्ष केले जाते. तेव्हा मतदारांना मतदानाविषयी जागृत करीत त्यांना आपल्या हक्काची जाणिव करून देण्यासाठी येथील सामाजिक कार्यकर्ते तथा सेवानिवृत्त कर्मचारी हरीदास गणबास सायकलवर ‘छोडो अपने सारे काम, पहले करे मतदान’ असे पोष्टर लावून मतदार जागृती करीत आहेत.
मतदानाकडे अनेकांकडून दुर्लक्ष केले जाते. कंटाळा केला जातो किंवा जाणून-बुजून मतदानाच्या अधिकाराला दुर्लक्षित ठेवले जाते. परंतु मतदान हा आपला हक्क आहे आणि प्रत्येकाला आपल्या हक्काची जाणीव व्हावी व मतदान करून आपला हक्क बजवावा, यासाठी सेवानिवृत्त कर्मचारी हरीदास गणबास हे सायकलवर फिरून मतदार जागृती करीत आहेत.
