साईमत सोयगाव प्रतिनिधी
जिल्हा परिषद प्राथमिक शाळा रामजीनगर येथे रयतेचे राजे छञपती राजर्षी शाहू महाराज पुण्यतिथी साजरी करण्यात आली. यावेळी छञपती शाहू महारांजांच्या प्रतिमेचे समाजसेवक सुनिल काळे,शालेय व्यवस्थापन समिती सदस्य योगेश बोखारे,शालेय व्यवस्थापन समिती अध्यक्ष एकनाथ इंगळे याच्या हस्ते पुजन करण्यात आले.
त्या नंतर शासन निर्णया नुसार शाळेतील विद्यार्थ्यांना सोयगांंव शहाराच्या प्रथम नागरीक नगराध्यक्षा आशाबी तडवी,सुनिल काळे,योगेश बोखारे तसेच शालेय व्यवस्थापन समिती उपाध्यक्षा मनिषा जेठे,सदस्या सुनिता जोहरे,मुख्याध्यापक किरणकुमार पाटील यांच्या हस्ते निकाल पञक वाटप करण्यात आले.
यावेळी मान्यवरांनी विद्यार्थ्यांना भावी आयुष्यासाठी शुभेच्छा दिल्या.निकाल पञक मिळताच विद्यार्थ्यांच्या चेहर्यावर आनंद पाहायला मिळाला.कार्यक्रम यशस्वीते साठी शाळेचे मुख्याध्यापक किरणकुमार पाटील,सहशिक्षक आसिफ देशमुख यांनी परिश्रम घेतले.
