अडावद पोलिसांची यशस्वी कामगिरी
साईमत/ न्यूज नेटवर्क/ अडावद, ता.चोपडा:
येथून जवळील विष्णापूर, ता.चोपडा येथील एका पत्रीशेडच्या घरावर छापा टाकून ११ लाख ५०० रुपये किंमतीचा गांजा पोलिसांनी जप्त केला आहे. अडावद पोलिसांच्या धडक कारवाईने जिल्ह्याभरातील गांजा तस्करांचे धाबे दणाणले आहे. याबद्दल पोलीस प्रशासनाचे सर्व स्तरातून कौतुक होत आहे.
सविस्तर असे की, विष्णापूर येथील सायसिंग बरकत बारेला (वय ३६) हा गावातील शिवाजी पाडा परिसरातील एका पत्रीशेडमध्ये अवैध गांजा बाळगत असल्याची गोपनिय माहिती पोलिसांना मिळाली होती. त्याअनुषंगाने शनिवारी, २७ रोजी पहाटेच्या सुमारास चोपड्याचे पोलीस उपविभागीय अधिकारी डाॅ.कुणाल सोनवणे, पो.नि. कावेरी कमलाकर, यांच्या मार्गदर्शनाखाली अडावदचे स.पो.नि. संतोष चव्हाण, पो.उ.नि. राजु थोरात, पो.हे.काॅ. भरत नाईक, ज्ञानेश्वर सपकाळे, संजय धनगर, सतिष भोई, भूषण चव्हाण, जयसिंग राजपूत, मधुकर पवार यांच्या पथकाने छापा टाकून ११ लाख ५०० रुपये किंमतीचा गांजा जप्त केला. तसेच ६ हजार रुपये किंमतीचा ईलेक्ट्राँनिक वजन काटा, एक लाख रुपये किंमतीची मोटार सायकल यासह सायसिंग बारेला यास अटक केली आहे. पुढील तपास पो.हे.काँ. अनवर तडवी करीत आहे.
