जिल्हापेठ पोलिसात दोन जणांविरुधद गुन्हा दाखल
साईमत/जळगाव/प्रतिनिधी :
शहरातील नवीन बसस्थानकात बसमध्ये चढणाऱ्या महिलेच्या गळ्यातील सोन्याचे मंगळसूत्र चोरट्यांनी लांबविल्याची घटना रविवारी, २५ मे रोजी दुपारी ३ वाजता घडली. याप्रकरणी जिल्हापेठ पोलीस ठाण्यात दोन जणांविरुध्द गुन्हा दाखल केल्याचे पोलिसांनी सांगितले.
सविस्तर असे की, लक्ष्मी प्रमोद चौधरी (वय ३५, रा. जानकी नगर, जळगाव) ही महिला २५ मे रोजी दुपारी ३ वाजेच्या सुमारास चाळीसगाव जाण्यासाठी जळगाव बसस्थानकात आल्या होत्या. बसमध्ये चढतांना धुरपता अक्षय भोसले (वय-३०) आणि तिच्यासोबत असलेली तिची अल्पवयीन मुलगी (दोन्ही रा. सिल्लोड, जि. छत्रपती संभाजी नगर) यांनी महिल्या गळ्यातील सोन्याचे मंगळसूत्र तोडून लांबविले.
दरम्यान, ही घटना घडल्यानंतर लक्ष्मी चौधरी यांनी जिल्हापेठ पोलीस ठाण्यात धाव घेऊन तक्रार दिली. त्यानुसार धुरपता भोसले आणि तिची अल्पवयीन मुलगी अशा दोघांवर गुन्हा दाखल केला आहे. तपास पोलीस लाईन कमलेश पवार करीत आहे.
