साईमत, पाचोरा : प्रतिनिधी
येथील मराठा सेवा संघाचे शहर कार्याध्यक्ष आणि अखिल भारतीय मराठा युवक महासंघाचे तालुकाध्यक्ष गणेश जनार्दन शिंदे हे मराठा समाजाला आरक्षण मिळण्यासाठी गुरुवारी, १७ ऑगस्ट रोजी सकाळी १० वाजता पाचोरा येथील प्रांताधिकारी कार्यालयासमोर उपोषण सुरु करणार आहे. मराठा समाजाला ओबीसी प्रवर्गातून आरक्षण देण्यात यावे, या मागणीसाठी उपोषणला बसणार आहे. अशा आशयाचे निवेदन त्यांनी तहसीलदार आणि प्रांताधिकारी, पोलीस निरीक्षक यांना दिले आहे.
प्रशासनाने त्यांच्या उपोषणाची दखल घेऊन मराठा समाजाच्या मागण्या मान्य कराव्यात, अशी मागणी करत मराठा सेवा संघ आणि अखिल भारतीय मराठा महासंघ, युवक संघ व सकल मराठा समाजाच्यावतीने केली आहे. उपोषणाची प्रशासनाने कुठलीही दखल न घेतल्यास येत्या शनिवारी, २६ ऑगस्ट रोजी रोजी शिवसेनेचे मुख्यमंत्री एकनाथ शिंदे, भाजपचे उपमुख्यमंत्री देवेंद्र फडणवीस, राष्ट्रवादी काँग्रेसचे उपमुख्यमंत्री अजित पवार हे पाचोऱ्यात येत आहे. त्यांच्या व्यासपीठासमोर आत्मदहन करण्याचा इशारा दिला आहे.