साईमत प्रतिनिधी
अखेर राष्ट्रवादीचे ज्येष्ठ नेते एकनाथ खडसे (Eknath khadse) यांना सुप्रीम दिलासा मिळाला आहे. पुणे येथील भोसरी जमीन घोट्याळ्या प्रकरणी ईडीच्या अटकेत असलेले मा. मंत्री आणि राष्टवादी काँग्रेसचे जेष्ठ नेते आ .एकनाथ खडसे यांचे जावई गिरीश चौधरी यांना सुप्रीम कोर्टाकडून जमीन मंजूर झाला आहे. गेल्या दीड वर्षांपासून ते ईडीच्या ताब्यात होते.
मनी लॉन्ड्रिंग प्रकरणी खडसेंचे जावई गिरीश चौधरी यांना ईडीच्या कारवाईनंतर ते ७ जुलै २०२१ ला त्यांना जेल झाली होती. भाजप-शिवसेना सरकारमध्ये असताना मा . मंत्री एकनाथ खडसे (Eknath khadse) यांनी पुण्यातील भोसरी येथे ३.१ एकर एमआयडीसीत प्लॉट खरेदी करण्यासाठी आपल्या पदाचा गैरवापर केल्याचा आरोप होता. या आधी मंदाकिनी खडसे यांच्यावर देखील अटकेची टांगती तलवार असल्याची चर्चा होती. हे प्रकरण २०१६ मधील आहे . ३.१ एकर जमीनीचा हा भूखंड ३१ कोटी रुपयांचा असून ठो खडसे यांचे जावई चौधरी आणि पत्नी यांनी ३.७ कोटी रुपयांना विकत घेतल्याचा आरोप त्याच्यावर आहे.
याआधी देखील गिरीश चौधरी यांचा जमीन अर्ज उच्च न्यायालयाने फेटाळला होता. या नंतर एप्रिल महिन्यात पुन्हा त्यांचा अर्ज फेटाळण्यात आला होता. त्यानंतर त्यांनी सुप्रीम कोर्टात अर्ज दाखल केला होता.
या प्रकरणात भाजप-शिवसेना (BJP-Shivsena)सरकारमध्ये खडसे हे महसूल मंत्री असताना त्यांना आपल्या मंत्रिपदाचा राजीनामा द्यावा लागला होता. तसेस या प्रकरणी खडसे यांचा पत्नी मंदाकिनी खडसे यांची सुद्धा चौकशी करण्यात आली होती. गिरीश चौधरी हे खडसे यांच्या जेष्ठ कन्या शारदा चौधरी यांचे पती आहे. ते सद्य पुणे येथे वस्तव्यात असून काही वर्षे ते विदेशात होते.
