महिला अधिकाऱ्यांसह कर्मचाऱ्यांंच्या विशेष सहभागाने जामनेर आरोग्य विभागाचा स्तुत्य उपक्रम
साईमत/लोहारा, ता.पाचोरा/प्रतिनिधी :
जिल्हा आरोग्य अधिकारी डॉ.सचिन भायेकर, जिल्हा शल्य चिकित्सक डॉ.किरण पाटील यांच्या मार्गदर्शनाखाली उपजिल्हा रुग्णालय जामनेर तसेच प्राथमिक आरोग्य केंद्र येथे ग्रामीण भागातील शंभरावर अधिक महिलांवर कुटुंबनियोजन शस्त्रक्रिया करण्यात आल्या. गौरी-गणपती, महालक्ष्मीसारख्या सणा-सुदीचे दिवस असतांनाही जामनेर आरोग्य विभागातील महिला अधिकारी व कर्मचारी यांनी कर्तव्याला प्राधान्य दिल्यामुळे सर्व स्तरातून त्यांचे कौतुक होत आहे.
कुटूंबनियोजन शस्त्रक्रिया डॉ.जयश्री पाटील, डॉ.प्रशांत महाजन, डॉ.समाधान वाघ यांनी डॉ.पल्लवी राऊत, डॉ.कोमल देसले, डॉ.किरण पाटील, डॉ.चारुशीला ठाकूर, डॉ.प्रियांका बंडवाल, आशा तायडे, मीरा कांबळे, निर्मला बालोद, माया गहिरवर, सुषमा धनगर, कल्पना पालीवाल, आशा कुयटे, राजश्री पाटील, सुरेखा गोसावी, मीरा पांढरे, शोभा घाटे, प्रतिभा घुगे, शीतल रोकडे, संगिता नाईक, अर्चना बनकर, कविता राणे, कविता तायडे, भूमिका चौधरी यांच्या सहकार्याने यशस्वी केल्या.
शिबिरप्रसंगी उपजिल्हा रुग्णालयाचे वैद्यकीय अधीक्षक डॉ.विनय सोनवणे, तालुका वैद्यकीय अधिकारी डॉ. राजेश सोनवणे, वैद्यकीय अधिकारी डॉ. हर्षल चांदा, डॉ.नरेश पाटील, डॉ.दानिश खान, डॉ.संदीप कुमावत, सुनील सूर्यवंशी, बशीर पिंजारी, प्रवीण दाभाडे, गोपाळ पाटील, विक्रम राजपूत, पुंडलिक पवार, दिनकर माळी, किशोर पाटील, रवीद्र सूर्यवंशी, जगदीश सोनार, भुपेंद्र लोखंडे, शुभम अग्रवाल, विकेश भोई, सागर पाटील, प्रकाश तेजकर, कुलदीप सुनगत, ईश्वर कोळी, दीपक मोरे, त्र्यंबक तंवर यांचे सहकार्य लाभले.
कर्तव्यपूर्तीचा मनस्वी आनंद
“गौरी-गणपती,महालक्ष्मी हे उत्सव जरी सुरू असले तरी कर्तव्यही महत्वाचे आहे. सणाबरोबर सर्व अधिकारी, कर्मचारी यांनी कर्तव्याला प्राधान्य देऊन शिबिरात सहभाग घेतला. आम्हा सर्व महिलांना शंभराहून अधिक केसेस झाल्याने कर्तव्यपूर्तीचा मनस्वी आनंद झाला.”
-डॉ.जयश्री पाटील,वैद्यकीय अधिकारी जामनेर
