साईमत लाईव्ह मुंबई प्रतिनिधी
मागच्या महिन्यापासून राज्याच्या राजकारणात बऱ्याच राजकीय घडामोडी घडताना दिसत आहे. युवापिढी राजकारणात सक्रिय झाल्याचे दिसत आहे. मनसे नेते अमित ठाकरेदेखील सध्या दौरा करत आहेत आणि सर्वसामान्य लोकांशी, तरुणांशी, विद्यार्थ्यांशी संवाद साधत आहेत. कार्यकर्त्यांमध्ये उत्साह वाढवण्याचे ते प्रयत्न करत आहेत. अश्यातच त्यांनी आगामी निवडणुकांविषयी मोठे विधान केले आहे.
“येणारी प्रत्येक निवडणूक आपल्यासाठी महत्त्वाची आहे. आपल्या पक्षाने केलेलं काम आणि विचार घरोघरी पोहचवू. येत्या निवडणुकीत चांगला आणि निवडून येणार उमेदवार द्यायचा आहे आपला निवडून आणण्यासाठी पुरजोर प्रयत्न करायचे आहेत. त्या निवडणुकांमध्ये प्रचार करण्यासाठी मी तयार आहे. कुठलीही निवडणूक लागली तरी मला हाक द्या. आपण जोरदार प्रचार करू. आपल्याला प्रत्येक निवडणूक लढायची आहे आणि जिंकायचीसुद्धा आहे. त्यामुळे मनसैनिकांनो, कामाला लागा, असे आवाहन अमित ठाकरे यांनी केले. येत्या प्रत्येक निवडणुकीसाठी तयार राहण्याच्या सूचना त्यांनी केल्या आहेत. अमित ठाकरे आजपासून चार दिवसांच्या नाशिक दौऱ्यावर(Nashik Tour) आहेत. यात ते नाशिक शहर आणि जिल्ह्याचा दौरा करणार आहेत.
अमित ठाकरे यांनी आदित्य ठाकरेंच्या(Aditya Thackeray) रॅलीवर त्यांनी आपली प्रतिक्रिया दिली. शिवसेनेत बंड होण्याआधी मी माझे दौरे सुरू केले. पण माझा आदित्य ठाकरेंना प्रश्न आहे. जर एकनाथ शिंदे आणि आमदारांनी बंडाळी केली नसती तर तुम्ही दौरा केला असता का, एवढाच माझा एक प्रश्न आहे, असेही अमित ठाकरे म्हणाले.
