साईमत लाईव्ह पारोळा प्रतिनिधी
माजी पर्यावरणमंत्री रामदास कदम यांनी पूर्णपणे सोडून महाराष्ट्राच्या राजकारणाची आणखीनच अधोगती करण्याचा व राजकीय प्रदूषण वाढवण्याचा चंग बांधलेला दिसतोय.. एकनाथजी, रामदासभाईंना आवरा! असे आवाहन शिवसेना जिल्हाप्रमुख हर्षल माने यांनी मुख्यमंत्री एकनाथ शिंदे यांना केले आहे. ते पारोळा येथील धिक्कार सभेत बोलत होते.
रामदास कदम यांच्या ‘‘ त्या ‘‘ वक्तव्याचा निषेध व्यक्त करतांना शिवसेना जिल्हाप्रमुख हर्षल माने पुढे म्हणाले की, रामदास कदम यांनी माजी मुख्यमंत्री शिवसेना पक्षप्रमुख उद्धव ठाकरे यांच्या संदर्भात जी पातळी सोडून भाषा वापरली, त्याचा सार्वत्रिक निषेध होणे आवश्यक आहे.
टीका करताना अर्वाच्यपणा किती करायचा याला काही मर्यादा असतात हा माणूस महाराष्ट्राचा मंत्री होता आणि पन्नास वर्षे शिवसेनेत होता. आपल्या अगोदरच्या नेत्याबद्दल इतके हीन स्वरूपाचे उद्गार ते कसे काय काढू शकतात असा सवाल करत टीका अवश्य करा, परंतु काही विवेक बाळगाल की नाही? असेही ते म्हणाले
यावेळी तालुकाप्रमुख आर. बी. पाटील, शहरप्रमुख अशोक मराठे, उपतालुकाप्रमुख दादा पाटील, एकलव्य सेना जिल्हाध्यक्ष सुनील पवार, युवासेना तालुकाप्रमुख रविंद्र पाटील, शहरप्रमुख युवासेना आबा महाजन, युवासेना उपशहर प्रमुख सावन शिंपी, अल्पसंख्याक शहर प्रमुख कलीम शेख, तालुकाध्यक्ष व्यापारी आघाडी राजेंद्र चौधरी, दिलीप चौधरी, जेष्ठ शिवसैनिक रविंद्र पाटील, अरुण चौधरी, आप्पा चौधरी, राजू भाऊ बागडे, लखनभाऊ वाणी, विलासभाऊ पाटील, बापूभाऊ बडगुजर, आबा सैदाने, आदींची उपस्थिती होती.
