निर्मल सीडस्ला शिवसेना-उबाठातर्फे भव्य स्वागत
साईमत।पाचोरा।प्रतिनिधी।
राष्ट्रवादी काँग्रेस पक्ष-शरदचंद्र पवार पक्षाचे प्रदेशाध्यक्ष जयंत पाटील, खा. अमोल कोल्हे यांच्यासह अन्य मान्यवरांचा समावेश असलेल्या शिवस्वराज्य यात्रेचे शनिवारी, २१ सप्टेंबर रोजी शिवसेना-उबाठाच्या नेत्या वैशालीताई सूर्यवंशी यांनी स्वागत केले.
आ. जयंत पाटील, खा. अमोल कोल्हे हे शरद पवार गटाच्या शिवस्वराज्य यात्रेनिमित्त जळगाव जिल्ह्यात आले आहेत. ही यात्रा चाळीसगावला होती. त्यानंतर तेथील सभा आटोपल्यानंतर यात्रा जामनेरकडे जात असतांना पाचोरा येथील निर्मल सीडस् येथे शिवसेना-उबाठाच्यावतीने त्यांचे भव्य स्वागत करण्यात आले. यावेळी वैशालीताई सूर्यवंशी, निर्मल उद्योग समूहाचे व्यवस्थापक सुरेश पाटील यांनी आ. जयंत पाटील यांचे स्वागत केले.
यांची होती उपस्थिती
याप्रसंगी रा.काँ.चे युवक प्रदेशाध्यक्ष मेहबूब शेख, विद्याथी प्रदेशाध्यक्ष योगेश गव्हाणे, जिल्हा निरीक्षक भास्करराव काळे, जिल्हाध्यक्ष प्रमोद पाटील, माजी मंत्री डॉ. सतीश पाटील, माजी मंत्री गुलाबराव देवकर, श्रीराम पाटील, एजाज मलीक, अरुण पाटील, ॲड. अभय पाटील, अरुण तांबे, गजू पाटील, अनिल सावंत, राजेंद्र राणा, संदीप जैन, मनोज चौधरी, हरीश देवरे, दादाभाऊ चौधरी, हरिभाऊ पाटील, राकेश सोनवणे, प्रशांत पाटील, बंडू मोरे, निखिल सोनवणे आदी उपस्थित होते.
