नदीचा प्रवाह वाढला, मुसळधार पावसामुळे तितुर डोंगरी नदीला पूर
साईमत/ चाळीसगाव /प्रतिनिधी :
तालुक्यात असलेल्या जागृत पाटणादेवी मंदिरात अनेक भाविक दर्शनासाठी बुधवारी, २१ ऑगस्ट रोजी दुपारच्या सुमारास गेले होते. यावेळी सततच्या सुरू असलेल्या मुसळधार पावसामुळे मंदिराजवळून रस्त्यापर्यंत आणणाऱ्या पुलावरून तिथून डोंगरी नदीला आलेल्या पुरामुळे पाण्याचा प्रवाह वाढला. त्यामुळे काही तास भाविकांना पाण्याचा स्त्रोत कमी होईपर्यंत मंदिर परिसरातच थांबावे लागले. पावसाचा जोर कमी झाल्यानंतर तितूर डोंगरी नदीचा प्रवाह कमी झाला. त्यामुळे पाटणादेवी मंदिरात जाणाऱ्या पुलावरून पाणी कमी झाल्यानंतरच भाविकांना रस्त्यापर्यंत येता आले. मात्र, सततच्या पावसामुळे दर्शनासाठी गेलेले भाविक काही तास पाटणादेवी मंदिरातच अडकून पडले होते.
