५० लाख रुपये खर्चाच्या बगीच्याचे लोकार्पण हा तर ‘ट्रेलर’ आहे
साईमत/चाळीसगाव/प्रतिनिधी
येथील प्रभाग क्रमांक १५ मधील भव्य दिव्य असे ५० लाख रुपये खर्चाच्या बगीच्याचे लोकार्पण आ.मंगेश चव्हाण यांच्या हस्ते करण्यात आले. तसेच प्रभागातील विविध नवीन रस्त्यांचे भूमिपूजनही करण्यात आले. यावेळी वाल्मिक नगर येथे झालेल्या कार्यक्रमात आ. मंगेश चव्हाण यांनी माझ्या काळात प्रभाग १४ व प्रभाग १५ मध्ये अनेक विकासकामे केली आहेत.त्यातील भव्य अशा बगीच्याचे लोकार्पण होत आहे.
लवकरच पाच कोटींच्या निधीतून परिसराला शाप ठरलेल्या नाल्याचे प्रथम टप्प्यातील कामाला सुरुवात करण्यात येईल. तसेच कब्रस्तानचे ४० वर्षांपासून रखडलेले काम मार्गी लावत कंपाऊंडही केले, असे त्यांनी सांगितले. आगामी काळात अशीच साथ आपण दिली तर तुमच्या प्रभागाचा विकास कोणीही रोखू शकणार, असे सांगितले.
प्रास्ताविकात प्रभागातील समाजसेवक अमोल चौधरी यांनी प्रभागात सुरु असलेल्या विविध कोटी रुपयांच्या विकास कामांचा उल्लेख करत विकास कार्याची घौडदौड अशीच सुरु राहील, असे सांगितले. तसेच मनोगतात अजिज खाटीक, असलम मिर्झा यांनी आ.मंगेश चव्हाण, अमोल चौधरी यांचे विविध विकास कामांबद्दल ऋण व्यक्त केले. यावेळी परिसरातील हिंदू-मुस्लिम समाज बांधवांनी आ.मंगेश चव्हाण यांचा सत्कार केला.
यांची लाभली उपस्थिती
यावेळी नगरपरिषदेचे मुख्याधिकारी सौरभ जोशी, भाजपाचे शहराध्यक्ष नितीन पाटील, संगिता गवळी, नदीम खान, नुरोद्दीन शेख, अजगर सैय्यद, रणजित देशमुख, राकेश बोरसे, अकलाख खाटीक, बाबा पवार, अक्रम बेग मिर्झा, बिलाल काकर, अमजद पठाण, ॲड.कैलास अगोणे, सुनील पाटील, मयूर चौधरी, इम्रान पठाण, राजेंद्र पाटील, शांताराम पाटील, देविदास वाणी, दाऊद शेख यांच्यासह परिसरातील हिंदू-मुस्लिम समाज बांधव उपस्थित होते. सुत्रसंचालन तथा आभार वसिम शेख यांनी मानले.
