साईमत चोपडा प्रतिनिधी
शहरातील मास्टर कॉलनी भागात सार्वजनिक ठिकाणी रस्त्यावर वाढदिवसाचा तलवारीने केक कापल्याप्रकरणी आठ तरुणांवर चोपडा शहर पोलीसांत गुन्हा दाखल करण्यात आला असून त्यांपैकी सात जणांना अटक करण्यात आली आहे.
याबाबत सविस्तर वृत्त असे की, दिनांक 22 रोजी रात्री 9.30 वाजेच्या सुमारास शहरातील मास्टर कॉलनी परिसरात विना परवाना धारदार लोखंडी तलवार तसेच चाकु जवळ बाळगून सार्वजनिक ठिकाणी रोडवर वाढदिवसाचा केक कापण्याकरीता वापर करतांना आढळून आल्याने तसेच जिल्हाधिकारी यांच्या मनाई आदेशाचे उल्लंघन केल्याप्रकरणी १) सैय्यद फैजलअली मझहरअली व २) रिजवानअली अयाजअली दोघेही रा. शेतपुरा; ३)शाकीर सैय्यद साबीरअली, ४) दानिश सय्यद साबीरअली, व ५)दानिश शेख हमीद शेख तिघेही रा. मास्टर कॉलनी; ६)बाबू लोहार निजाम लोहार रा. केजीएन कॉलनी ७)साजिद शेख गफ्फार रा. चुनारअळी व ८) शोएब शाह जाकीर शाह रा. फकीरवाडा या आठ जणांविरोधात चोपडा शहर पोलीस स्टेशन येथे सीसीटिएनएस गुरनं. 333/2023 अन्वये भारतीय हत्यार कायदा कलम 4/25 सह (37) (1) (3) चे उल्लंघन 135, भादंवी कलम 34 प्रमाणे गुन्हा दाखल करण्यात आला आहे. यापैकी सात जणांना अटक करण्यात आली असल्याची माहिती देण्यात आली आहे .
सदर कारवाई सहाय्यक पोलीस अधीक्षक कृषीकेश रावले यांच्या मार्गदर्शनाखाली व पोलीस निरिक्षक के.के. पाटील यांच्या नेतृत्वाखाली सपोनि. अजित सावळे, संतोष चव्हाण, पोहेकाँ. विलेश सोनवणे, शेषराव तोरे, वेलचंद पवार, पोना. संतोष पारधी, ज्ञानेश्वर जवागे, संदिप भोई आदिंनी केली. सदर गुन्ह्याचा तपास पोना. संदीप भोई हे करीत आहेत.