साईमत जळगाव प्रतिनिधी
माजी आमदार व मनसे नेते ॲड.जयप्रकाश बाविस्कर यांच्या वाढदिवसानिमित्त शनिवार दि.३० सप्टेंबर रोजी जळगाव तालुका कंडारी येथील वाघुर धरण परिसरात मत्स्य व्यवसाय प्रशिक्षण शिबिराचे आयोजन करण्यात आले होते .
प्रशिक्षण शिबिराचे आयोजन महाराष्ट्र मच्छीमार सहकारी संस्था जळगाव व कृषी तंत्र विद्यालय,डिक्साई यांनी केले होते. त्यानिमित्त मत्स्य व्यवसायाबद्दल विविध माहिती देण्यात आली. युवकांना रोजगाराची संधी उपलब्ध करून देणे, मत्स्य व्यवसायाची संबंधित प्रधानमंत्री मत्स्यसंपदा अंतर्गत शासनाच्या योजनांची माहिती देणे, मत्स्य व्यवसायाला मिळणारा अनुदानाबद्दल माहिती देणे, मत्स्य व्यवसाय करतांना घ्यावयाची काळजी व वाघूर धरणाच्या गावालगतच्या तरुणांना मत्स्य व्यवसायातून रोजगार उपलब्ध कसा करता येईल याबद्दल माहिती देण्यात आली.
यावेळी प्रमुख पाहुणे म्हणून माजी सरपंच मधुकर धनगर, माजी पंचायत समिती सदस्य कैलास सुर्वे, पोलीस पाटील मल्हारराव देशमुख, माजी उपसरपंच अनिल सोनवणे, ग्रामपंचायत सदस्य अविनाश सोनवणे, मिठाराम धनगर, बाळू धनगर, सुधाकर सोनवणे, राजू शेख पटेल, गोपाल रिवाज कर, शाम निकम आदिंची उपस्थिती होती.
यावेळी कंडारी गावातील ग्रामस्थ, जामनेर व भुसावल तालुक्यातील रहिवासी तसेच डिक्साई गावातील कृषी विद्यालयातील विद्यार्थी व विद्यार्थिनी उपस्थित होते.
कार्यक्रम यशस्वीतेसाठी राहुल बाविस्कर, आशिष सपकाळे, सिमा पाटील, रसिका बगळे, आशुतोष जाधव, साहेबराव महाजन, संजय मोती, आदींनी परिश्रम घेतले. प्रशिक्षण अजित बनसोडे यांनी दिले, तर सूत्रसंचलन समाधान ठाकरे यांनी केले.
