साईमत, तळोदा : प्रतिनिधी
आष्टे येथील जिल्हा परिषदेच्या शाळेत विद्यार्थ्यांनी नाविन्यपूर्ण उपक्रमाने शिक्षक दिन साजरा केला. शिक्षक दिनाचे औचित्य साधून विद्यार्थ्यांनी शिक्षकाची भूमिका बजावत शिक्षक दिन साजरा केला. प्रारंभी भारतरत्न डॉ. सर्वपल्ली राधाकृष्णन, ज्ञानज्योती सावित्रीबाई फुले यांचे प्रतिमा पूजन शाळेतील मुख्याध्यापक कैलास लोहार, राजू सामुद्रे, राजेंद्र सूर्यवंशी, दिलीप वळवी, छात्र शिक्षकांच्या हस्ते करण्यात आले.
शाळेतील शिक्षकांचे ऋणनिर्देश करण्यासाठी विद्यार्थ्यांनी महापुरुषांचे जीवन चरित्रावर आधारित पुस्तक व पेन सर्व शिक्षकांना भेट म्हणून दिले. त्यानंतर शाळेतील विद्यार्थी वेदिका ठाकरे, इयान चिडे, यश धडे, तेजस्वी माळी, हार्दिक मराठे, लावण्या ठाकरे, रूपाली धडे, ओम पाटील यांनी शिक्षकांची भूमिका पार पाडली.
यशस्वीतेसाठी शाळेतील विद्यार्थी अनिरुद्ध कोळी, खुशी वळवी, कल्पेश पाटील, दिव्या ठाकरे, भाग्यश्री पवार, गोपाल वळवी, मनश्री शिरसाट, कार्तिक ठाकरे यांनी परिश्रम घेतले. सूत्रसंचालन अनिकेत पाटील तर आभार मोहित वाघ याने मानले.
