सोळा कुलस्वामिनी महामंडळाच्या तीन अशासकीय सदस्यात भावेश कोठावदे
साईमत/चाळीसगाव/प्रतिनिधी
राज्य सरकारने लाडशाखीय वाणी समाजासाठी मंजूर केलेल्या सोळा कुलस्वामिनी महामंडळाच्या तीन अशासकीय सदस्यांमध्ये येथील समाजाचे युवा कार्यकर्ते भावेश कोठावदे यांचा समावेश असणार आहे. त्यामुळे त्यांच्या नावाची घोषणा आ.मंगेश चव्हाण यांनी केली. गेल्या गुरुवारी झालेल्या मंत्रिमंडळाच्या बैठकीत समाजासाठी मंजूर केलेल्या सोळा कुलस्वामिनी महामंडळासाठी आमदार चव्हाण यांचे सहकार्य लाभले.
त्यामुळे समाजातर्फे त्यांचा सत्कार रविवारी वाणी मंगल कार्यालयात समाजाचे धुळे येथील समाजाला ओबीसीचा दर्जा मिळवून देणारे समाजाचे नेते सुनील नेरकर यांच्या उपस्थितीत आयोजित केला होता.
त्याप्रसंगी त्यांनी जाहीर केले.कोठावदे हे टाकळी प्र. चा. (ता.चाळीसगाव) येथील ग्रामपंचायत सदस्य, भारतीय जनता पक्षाचे युवा मोर्चाचे प्रदेश सचिव, समाजाचे तरुण, तडफदार कार्यकर्ते, आ.चव्हाण यांचे विश्वासू सहकारी आहेत.
