साईमत, अमळनेर : प्रतिनिधी
येथील जी.एस.हायस्कुलचे मुख्याध्यापक बी.एस.पाटील यांना महाराष्ट्र टिचर्स असोसिएशनतर्फे राज्यस्तरीय शिक्षक पुरस्कार सोहळ्यात आदर्श मुख्याध्यापक म्हणून नुकतेच सन्मानित करण्यात आले.
महाराष्ट्र टीचर्स असोसिएशनतर्फे धुळे येथे सन्मान कर्तृत्वाचा अंतर्गत राज्यस्तरीय शिक्षक पुरस्काराचे आयोजन केले होते. यावेळी खान्देश शिक्षण मंडळ संचलित जी.एस.हायस्कुलचे मुख्याध्यापक बी.एस.पाटील यांचा सपत्नीक सत्कार करण्यात आला. मागील ३० वर्षांपासून शाळेच्या एनसीसी विभागाची कमान त्यांनी यशस्वीरित्या सांभाळली आहे. याबद्दल त्यांना शिवसेना उबाठा गटाचे खा.संजय राऊत, खा.विनायक राऊत, धुळे ग्रामीणचे आ.कुणाल पाटील, महाराष्ट्र टीचर्स असोसिएशनच्या राज्याध्यक्षा शुभांगी पाटील यांच्याहस्ते पुरस्कार देण्यात आला.
मुख्याध्यापक बी.एस.पाटील यांना पुरस्कार मिळाल्याबद्दल खा.शि.मंडळाचे कार्याध्यक्ष डॉ.अनिल शिंदे, कार्योपाध्यक्ष प्रदीप अग्रवाल, जी.एस.हायस्कुलचे चेअरमन हरी वाणी यांच्यासह सर्व संचालक मंडळाने कौतुक केले आहे.
