Author: Sharad Bhalerao

साईमत, जळगाव : प्रतिनिधी किरण देवी सारडा सत्कार्य निधीतर्फे आयोजित कै.मामासाहेब दांडेकर यांच्या जन्मशताब्दीनिमित्त नुकत्याच घेण्यात आलेल्या ज्ञानेश्वरी स्पर्धेत कै. सुनिता जगन्नाथ वाणी भगीरथ इंग्लिश स्कूल शाळेतील ८५ विद्यार्थ्यांनी सहभाग घेतला होता. ही स्पर्धा परीक्षा ज्ञानेश्वरीच्या पाचव्या अध्यायावर आधारित घेण्यात आली. त्यात नाशिक, अमरावती, धुळे, नंदुरबार आणि जळगाव अशा पाच जिल्हा अंतर्गत स्पर्धेत शाळेतील राजश्री दिलीप खैरनार या विद्यार्थिनीने उत्तेजनार्थ क्रमांक मिळविला. तिला किरण देवी सारडा सत्कार्य निधी यांच्याकडून १ हजार रुपयाचे पारितोषिक धनादेश स्वरूपात देण्यात आले. याबद्दल शाळेचे ज्येष्ठ शिक्षक तथा शिक्षक पतपेढीचे मा. अध्यक्ष एस.डी.भिरूड यांच्या हस्ते राजश्रीला पारितोषिक आणि पुष्पवृक्ष भेट म्हणून देण्यात आले. यावेळी मुख्याध्यापिका सीमा…

साईमत, लोहारा, ता.पाचोरा : वार्ताहर येथून जवळील ऋषीबाबांकडे जाणाऱ्या रस्त्याची अक्षरशः चाळणी झाली होती. लोहारा गावापासून जवळपास ३ किलोमीटरचा रस्ता गेल्या ५ वर्षांपासून हा रस्ता दुरुस्ती करण्यात यावा, म्हणून लोकप्रतिनिधींना साकडे घालण्यात येत होते. मात्र, गावातील व विकास कामांच्या गप्पा मारणाऱ्या लोकप्रतिनिधीनीही या रस्त्याकडे जाणीवपूर्वक लक्ष न दिल्याचे आरोप त्या भागातील शेतकऱ्यांनी केला आहे. त्या रस्त्याने पायी चालणे अवघड झाले होते. अखेर शेतकऱ्यांना जाणीव झाली. आपला कोणी वाली नसल्याचे त्यांच्या लक्षात आले. अखेर सर्व शेतकऱ्यांनी मिळून लोकवर्गणीतून हा रस्ता थोड्याफार प्रमाणात का होईना दुरुस्त केला आहे. रस्त्याच्या कामासाठी माळी समाजाचे सामाजिक कार्यकर्ते मच्छिंद्र माळी, रामा पाटील, गजानन कोळी, तुषार गोंधळे,…

साईमत, चाळीसगाव : प्रतिनिधी तालुक्यातील रांजणगाव येथे शेळ्यांच्या शेडच्या जाळ्या तोडून अज्ञात चोरट्यांनी दोन बकऱ्या आणि एक बोकड (पशुधन) अशा २५ हजारांच्या बकऱ्या चोरून नेल्याचा प्रकार नुकताच उघडकीस आला आहे. याप्रकरणी चाळीसगाव ग्रामीण पोलीस स्टेशनला अज्ञाताविरुद्ध गुन्हा दाखल केला आहे. तालुक्यातील रांजणगाव येथे बकऱ्यांसाठी असणाऱ्या शेडमधून अज्ञात चोरट्याने लोखंडी जाळी तोडून दोन बकऱ्या आणि एक बोकड असे २५ हजार रुपयांच्या शेळ्या चोरून नेल्याची घटना उघडकीस आली. तपास पोलीस हेडकॉन्स्टेबल शंकर जंजाळे करीत आहे.

साईमत, अमळनेर : प्रतिनिधी भारतीय जनता युवा मोर्चाचे प्रदेशाध्यक्ष राहुल लोणीकर यांनी जिल्हा दूध संघाच्या माजी संचालिका भैरवी वाघ-पलांडे यांची कामाची पावती म्हणून बढती करत प्रदेश उपाध्यक्षपदी निवड केली आहे. या माध्यमातून त्यांना ‘प्रमोशन’ मिळाले आहे. आर्किटेक्ट भैरवी वाघ-पलांडे यांनी महाविद्यालयीन काळात जळगाव येथे अभाविपच्या माध्यमातून शैक्षणिक चळवळीत सक्रीय सहभाग घेतला आहे. भारतीय जनता युवा मोर्चामधील महत्त्वपूर्ण कार्यामुळे त्यांच्याकडे पुणे महानगर उपाध्यक्षपदाची जबाबदारी होती. त्यानंतर त्यांच्यावर प्रदेश सचिव म्हणून जवाबदारी देण्यात आली होती. पक्ष संघटनेत त्यांची कारकीर्द अधिकच उज्ज्वल राहिल्याने त्यांच्यावर प्रदेश उपाध्यक्ष म्हणून मोठी जवाबदारी देण्यात आली आहे. भैरवी या माजी आमदार तथा भाजपाचे प्रदेश उपाध्यक्ष स्मिता वाघ आणि…

साईमत, जामनेर : प्रतिनिधी येथे तहसील कार्यालयातर्फे महसूल सप्ताहानिमित्त ‘सैनिकांनो तुमच्यासाठी’ या कार्यक्रमांतर्गत आजी-माजी सैनिकांचा सन्मान करण्यात आला. तहसील कार्यालयातर्फे महसूल सप्ताह साजरा केला जात आहे. या माध्यमातून ‘सैनिक हो तुमच्यासाठी’ या कार्यक्रमाच्या माध्यमातून जामनेर तहसील विभागातर्फे सुमारे ५० आजी-माजी सैनिकांचा तहसीलदार नानासाहेब आगळे, नायब तहसीलदार प्रशांत निंबाळकर यांच्या हस्ते प्रशक्तीपत्र देऊन सन्मान करण्यात आला. यावेळी माजी सैनिक, नागरिक उपस्थित होते.

साईमत, पाचोरा : प्रतिनिधी तालुक्यातील निपाणे येथे ३५ वर्षीय शेतकऱ्याने आर्थिक विवंचनेतून विषारी औषध प्राशन करत आपली जीवनयात्रा संपविल्याची घटना शनिवारी, ५ ऑगस्ट रोजी सकाळी ९ वाजेच्या सुमारास उघडकीस आली आहे. याप्रकरणी पाचोरा पोलीस स्टेशनमध्ये अकस्मात मृत्यूची नोंद केली आहे. शरद भगवान पाटील (वय ३५) असे मयत शेतकऱ्याचे नाव आहे. त्यांच्या पश्चात आई, वडील, पत्नी, दोन मुले, तिन भाऊ असा परिवार आहे. शरद पाटील यांच्या अकस्मात निधनामुळे परिसरात शोककळा पसरली आहे. सविस्तर असे की, पाचोरा तालुक्यातील निपाणे येथील शरद भगवान पाटील या शेतकऱ्याने निपाणे शेत शिवारात विषारी औषध प्राशन करत आपली जीवन यात्रा संपविल्याची घटना समोर आली आहे. घटनेची माहिती…

साईमत, चाळीसगाव : प्रतिनिधी येथील तहजीब नॅशनल उर्दु शाळेत पाचवी ते आठवीला भेटलेले शिक्षक हे एक संचालक व मुख्याध्यापक यांनी आपल्या सोयीसाठी नववी ते दहावीला शिक्षक दिले आहे. शाळेत सद्यस्थितीला पाचवी ते आठवीला जास्त शिक्षकांची गरज आहे. पाचवी ते आठवीच्या प्रत्येक वर्गात १०० पेक्षा जास्त विद्यार्थ्यांची संख्या आहे. मात्र, तिथे एका संचालक आणि मुख्याध्यापकांच्या मनमानी कारभारामुळे शिक्षक दिले गेलेले नाही, अशी काही पालकांनी माहिती दिली. त्यामुळे शाळेतील मनमानी कारभाराची संबंधितांनी चौकशी करावी, अशी मागणी सुज्ञ पालकांनी केली आहे. अँग्लो उर्दु शाळा आणि तहजीब नॅशनल उर्दु शाळा या दोघी शाळेत शहरातील मुस्लिम समाजाच्या मुलांचे शिक्षण डीएड, बीएड झाले आहे. त्यांना भरती…

साईमत, भडगाव : प्रतिनिधी तालुक्यातील गोंडगाव येथील चिमुकलीवर अत्याचार करून तिचा खून केल्याच्या भयंकर घटनेचा निषेध व्यक्त करण्यासाठी शनिवारी, ५ ऑगस्ट रोजी भडगाव शहरासह तालुक्यातील विविध गावांमध्ये कडकडीत बंद पाळण्यात आला. भडगाव तालुक्यातील गोंडगाव येथील नऊ वर्षाच्या बालीकेवर अमानुष अत्याचार करून तिची निर्घृण हत्या केल्याची घटना घडल्याने परिसर हादरला आहे. या प्रकरणातील मुख्य आरोपीला अटक करण्यात आली आहे. असे असले तरी हा खटला फास्ट ट्रॅक कोर्टमध्ये चालवून त्याला कठोर शिक्षा व्हावी. तसेच या प्रकरणात ॲड.उज्ज्वल निकम यांची सरकारी वकील म्हणून नियुक्ती व्हावी, अशा मागण्या करण्यात येत आहेत. या मागण्यांसाठी शुक्रवारी भडगावात भव्य मूक मोर्चासह ठिय्या आंदोलन करण्यात आले. त्यात सकल…

साईमत, चाळीसगाव : प्रतिनिधी हिंदू मंदिर पुनर्बांधणीसाठी संभाजी सेनेने मंत्रालयाच्या आवारात आत्मदहन करण्याचा इशारा दिलेला आहे. मुंबई बोरिवली येथील गोराई परिसरातील पॅगोडा या संस्थेने तेथील हिंदू देवता स्वयंभू वांगणादेवीचे शेकडो वर्षांपूर्वीचे प्राचीन मंदिर उद्ध्वस्त केले आहे. ग्रामदैवत आणि ग्रामस्थांची श्रद्धास्थान असलेली माता वांगणा देवीचे मंदिर उद्ध्वस्त केल्यामुळे परिसरातील नागरिकांच्या भावना तीव्र असल्यामुळे संभाजी सेनेच्या स्थानिक कार्यकर्त्यांनी पॅगोडा संस्थेचे सर्व विश्वस्त यांच्यावर गोराई पोलीस ठाण्यात गुन्हा दाखल केलेला आहे. अद्यापही त्यांच्यावर कोणतीही कारवाई न झाल्यामुळे संभाजी सेनेचे संस्थापक-अध्यक्ष लक्ष्मण शिरसाठ यांनी विश्वस्तांना तात्काळ अटक करावी. तसेच त्याच जागेवर माता वांगणा देवीचे भव्य असे मंदिर उभारून प्राणप्रतिष्ठापना करून सर्व हिंदू समाज बांधवांसाठी…

साईमत, धरणगाव : प्रतिनिधी भडगाव तालुक्यातील गोंडगाव येथील ८ वर्षीय अल्पवयीन मुलीचे अपहरण करून तिच्यावर अत्याचार करून खून करणाऱ्या संशयित आरोपी स्वप्नील उर्फ सोन्या विनोद पाटील या आरोपीला फास्ट ट्रॅक जलद गतीचा न्यायालयात खटला चालवून, यासाठी सरकारी वकील म्हणून ॲड.उज्ज्वल निकम यांची नेमणूक करुन ६ महिन्यात फाशीची शिक्षा व्हावी, अशी मागणी उद्धव बाळासाहेब ठाकरे महिला आघाडी, शिवसेना, युवासेना धरणगाव तालुक्याच्यावतीने करण्यात येऊन अशा आशयाचे निवेदन तहसीलदारांना शनिवारी, ५ ऑगस्ट रोजी देण्यात आले. याप्रसंगी नगराध्यक्ष तथा युवासेना जिल्हा प्रमुख निलेश चौधरी, उपजिल्हा प्रमुख शरद माळी, उपजिल्हा संघटक राजेंद्र ठाकरे, शहर प्रमुख भागवत चौधरी, महिला आघाडी जिल्हा प्रमुख महानंदा पाटील, जनाबाई पाटील,…