Author: Sharad Bhalerao

जयपुरला केंद्रीय संस्कृत विद्यापीठात भव्य सत्कार साईमत/जळगाव/प्रतिनिधी :  स्वामी विवेकानंद कनिष्ठ महाविद्यालयाचा विद्यार्थी आयुष महेंद्र भामरे (इ. १२ वी विज्ञान) याने ‘भारतीय ज्ञान परंपरा (संस्कृत) ऑलिम्पियाड २०२५’ या प्रतिष्ठित राष्ट्रीय स्पर्धेत देशात द्वितीय क्रमांक पटकावून अभूतपूर्व यश संपादन केले आहे. त्याच्या कामगिरीबद्दल त्याचा जयपुरला केंद्रीय संस्कृत विद्यापीठ, नुकत्याच झालेल्या विद्यापीठाच्या स्थापना दिन सोहळ्यात भव्य सत्कार करण्यात आला. कार्यक्रमाला देशभरातील नामवंत संस्कृत पंडित, विद्यापीठाचे कुलगुरू, विविध प्रांतातील प्राध्यापक, पालक आणि विजेते विद्यार्थी उपस्थित होते. सोहळ्यात विद्यापीठाचे कुलगुरू यांनी स्वतःच्या हस्ते आयुषला सन्मानचिन्ह, प्रमाणपत्र आणि पाच हजाराचे रोख पारितोषिक प्रदान केले. यावेळी कुलगुरूंनी आयुषच्या परिश्रमाचे, भारतीय संस्कृत परंपरेवरील त्याच्या सखोल ज्ञानाचे आणि…

ग्रंथालयातील गोष्टीच्या पुस्तकांचे छोटेखानी भरवले प्रदर्शन साईमत/यावल/प्रतिनिधी :  तालुक्यातील सांगवी खुर्द येथील जिल्हा परिषदेच्या शाळेत भारतरत्न डॉ. ए.पी.जे.अब्दुल कलाम जयंती यांच्या निमित्त डॉ. कलाम यांना अभिवादन करण्यात आले. अध्यक्षस्थानी मुख्याध्यापिका रंजना सोनवणे होत्या. याप्रसंगी उपशिक्षिका जयश्री काळवीट यांनी विद्यार्थ्यांना डॉ.कलाम यांच्याबद्दल माहिती दिली. त्याचप्रमाणे डॉ.कलाम यांच्या जन्मदिवसानिमित्त शाळेत वाचन प्रेरणा दिन उत्साहात साजरा करण्यात आला. यावेळी शाळेच्या ग्रंथालयातील गोष्टीच्या पुस्तकांचे छोटेखानी प्रदर्शन भरवण्यात आले. प्रदर्शनाचे उद्घाटन मुख्याध्यापिका रंजना सोनवणे यांनी केले. वाचन प्रेरणा दिनाचे औचित्य साधून विद्यार्थ्यांसाठी पुस्तक अभिवाचन उपक्रम ग्रंथालय प्रमुख जयश्री काळवीट यांनी आयोजित केला होता. त्यासाठी विद्यार्थ्यांना ग्रंथालयातील गोष्टीची पुस्तके खुली करून देण्यात आली. उपक्रमात इयत्ता पहिली…

एलसीबीने ४ दिवसात लावला छडा ; तीन गावठी पिस्तुल, मोबाईलसह रोकड जप्त साईमत/जळगाव/प्रतिनिधी :  भुसावळसह मुक्ताईनगर तालुक्यातील तीन पेट्रोल पंपांवर झालेल्या सशस्त्र दरोड्यांच्या मालिकेचा अखेर उलगडा करण्यात आला आहे. जळगाव स्थानिक गुन्हे शाखेने (एलसीबी) तब्बल चार दिवसांच्या अथक तपासानंतर या प्रकरणातील सहा संशयितांना ताब्यात घेतले आहे. अटक केलेल्यांमध्ये अकोला येथील कुख्यात गुन्हेगाराचाही समावेश आहे. केंद्रीय मंत्री रक्षा खडसे यांच्या मालकीच्या पेट्रोल पंपावर गेल्या ९ ऑक्टोबर रोजी सशस्त्र दरोडा टाकण्यात आला होता. त्यानंतर टोळीने मुक्ताईनगर तालुक्यातील कर्की फाटा येथील ‘मनुभाई आशीर्वाद पेट्रोल पंप’ तसेच वरणगाव शिवारातील तळवेल फाटा येथील ‘सैय्यद पेट्रोल पंपावर’ लूट केली. सीसीटीव्ही फोडून डीव्हीआर घेऊन गेलेल्या दरोडेखोरांनी १…

उमेदवारांच्या चाचपणीला प्रतिसाद, १९ वार्डांत उमेदवार देणार साईमत/जळगाव/प्रतिनिधी :   महाराष्ट्र नवनिर्माण सेनेच्या नगरपालिकेच्या रणसज्जतेला जनतेचा वाढता प्रतिसाद मिळत आहे. पक्षाच्या उमेदवार चाचपणी बैठकीत कार्यकर्त्यांचा उत्स्फूर्त सहभाग दिसून आला. ही बैठक आगामी जळगाव महानगरपालिका निवडणुकीच्या पार्श्वभूमीवर शहरातील सर्व १९ प्रभागांचा सविस्तर आढावा घेण्यासाठी मनसेच्या जळगाव शहर शाखेतर्फे घेण्यात आली. ही बैठक पक्षाध्यक्ष राजसाहेब ठाकरे यांच्या आदेशानुसार आणि महाराष्ट्र नवनिर्माण सेनेचे नेते ॲड. जयप्रकाश बाविस्कर यांच्या मार्गदर्शनाखाली बुधवारी, १५ ऑक्टोबर रोजी शहरातील पद्मालय विश्रामृहात पार पडली. बैठकीचे नेतृत्व जिल्हाध्यक्ष ॲड. जमील देशपांडे यांनी केले. जळगाव शहरात महाराष्ट्र नवनिर्माण सेनेबद्दलचा जनतेचा विश्वास वाढत आहे. शहरातील अनेक प्रभागातील नागरिक आणि अन्य पक्षांचे संभाव्य…

मागण्यांचा विचार न केल्यास जिल्ह्याभरातील सभासद तीव्र जनआंदोलन छेडणार साईमत/जळगाव/प्रतिनिधी :  जळगाव जिल्हा माध्यमिक शिक्षक सहकारी पतसंस्थेतील विविध नियमबाह्य आणि वादग्रस्त निर्णयांविरोधात सभासदांचा संताप वाढला आहे. या पार्श्वभूमीवर प्र. ह.दलाल, पी. एस.सोनवणे, शुद्धोधन सोनवणे यांच्या नेतृत्वाखाली पतसंस्थेचे अधीक्षक सुनील महाजन यांना विविध मागण्यांचे निवेदन देण्यात आले. मागण्या विचारात न घेतल्यास जिल्ह्याभरातील सभासदांकडून तीव्र जनआंदोलन करण्यात येईल, असा इशारा तुळशीराम सोनवणे यांनी दिला आहे. पतपेढीच्या नवीन इमारतीमधील सभागृहाला “छत्रपती शिवाजी महाराज सभागृह” नाव देण्यात यावे, अशी जोरदार मागणी करण्यात आली. अशा मागणीचे निवेदन अधीक्षकांना सादर केले. गेल्या २७ सप्टेंबर २०२५ रोजी झालेल्या मासिक सभेत आयत्यावेळी मंजूर केलेल्या एका ठरावाविरोधातही आवाज उठवण्यात…

सामाजिक बांधिलकीची सुंदर अभिव्यक्ती साईमत/जळगाव/प्रतिनिधी :   येथील सी.ए. शाखेतर्फे “सेवा हीच खरी साधना” अशा भावनेतून ‘सामूहिक गोसेवा-एक अनुष्ठान’ असा अनोखा सामाजिक उपक्रम नेरीनाका जवळील पांजरापोळ गोशाळेत नुकताच पार पडला. समाजाप्रती संवेदनशील बांधिलकी व्यक्त करत जळगाव सी.ए. शाखेने गोसेवेचा उपक्रम राबविला. ॲड. विजय काबरा यांच्या सान्निध्यात उपस्थित मान्यवरांनी गोमातेला सव्वा मणी खाऊ घालून गोसेवा अर्पण केली. याप्रसंगी ‘गोमाता की जय’च्या घोषणांनी परिसर दणाणला होता. यावेळी जळगाव सी.ए. शाखेचे अध्यक्ष हितेश आगीवाल, कार्यकारी मंडळ सदस्य नचिकेत जाखेटीया, सहकारी सदस्य हितेश जैन, विजय मंत्री, विकास सेठी, सी.सी.एम.सी.ए. अर्पित काबरा उपस्थित होते. याप्रसंगी ॲड. विजय काबरा यांचा जळगाव सी.ए. शाखेतर्फे पुष्पगुच्छ देऊन सत्कार करण्यात…

सार्वजनिक विद्युत यंत्रणेसोबतच घरगुती रोशणाईच्या विद्युत उपकरणांपासून सावध राहावे साईमत/जळगाव/प्रतिनिधी :   आनंदाचा आणि उत्साहाचे पर्व असलेल्या दिवाळीत विद्युत सजावट, रोशणाई तसेच फटाक्यांची आतषबाजी मोठ्या प्रमाणावर केली जाते. मात्र, हे करताना विद्युत सुरक्षेला प्राधान्य देणे आवश्यक आहे. सार्वजनिक विद्युत यंत्रणेसोबतच घरगुती रोशणाईच्या विद्युत उपकरणांपासून सावध राहावे. कोणत्याही प्रकारचा धोका न पत्करता दिवाळी साजरी करावी, असे आवाहन वीज महावितरणच्यावतीने केले आहे. दिवाळी साजरी करताना घरगुती विद्युत उपकरणांपासून सावध राहावे. घराच्या किंवा इमारतीच्या रोशणाईसाठी दिव्यांची विद्युत माळ चांगल्या दर्जाची असल्याची खात्री करून घ्यावी. विद्युत माळेचे वायर, दिवे, सॉकेट दर्जेदार नसल्यास धोका निर्माण होऊ शकतो. घर किंवा इमारतीचे आर्थिंग योग्य असल्याची तपासणी करावी.…

विद्यार्थ्यांकडून वाचनाचा संकल्प, ग्रंथ प्रदर्शन भरविले साईमत/जळगाव/प्रतिनिधी :   शहरातील सानेगुरुजी कॉलनीतील स्थित कै. सुनिता जगन्नाथ वाणी-भगीरथ इंग्लिश स्कुलमध्ये बुधवारी, १५ ऑक्टोबर रोजी डॉ. ए. पी. जे. अब्दुल कलाम यांची जयंती आणि वाचन प्रेरणा दिवस उत्साहात साजरा करण्यात आला. सुरुवातीला भारतरत्न डॉ. कलाम यांच्या जयंतीनिमित्त त्यांच्या प्रतिमेचे मुख्याध्यापक एस.पी.निकम यांच्या हस्ते पूजनासह माल्यार्पण करण्यात आले. त्यानंतर विद्यार्थ्यांना मार्गदर्शन केले. वाचन प्रेरणादिनी सर्व विद्यार्थ्यांनी वाचनाचा संकल्प केला. तसेच शाळेत ग्रंथ प्रदर्शन भरविले होते. याप्रसंगी शाळेचे मुख्याध्यापक एस. पी. निकम, उपमुख्याध्यापक जे. एस. चौधरी, डॉ. अशोक पारधे, आर. डी. कोळी, किरण पाटील, ग्रंथपाल ऋषिकेश जोशी, मयुरी कोळी, चांदणी सूर्यवंशी, मानसी बडगुजर, स्पर्श…

प्रदूषणमुक्त दिवाळीचा संदेश देत रंगला सणाचा उत्सव साईमत/जळगाव/प्रतिनिधी :  शहरातील प्रेमनगरातील बी.यू.एन. रायसोनी स्कुलमध्ये (सी.बी.एस.ई. पॅटर्न) बुधवारी, १५ ऑक्टोबर रोजी दिवाळीचा उत्सव उत्साहात साजरा करण्यात आला. कार्यक्रमाचे प्रमुख पाहुणे म्हणून शाळेच्या पालक-शिक्षक संघाच्या सदस्या कुमुदीनी पाटील, ज्योती सोनवणे, सुवर्णा पाटील उपस्थित होत्या. कार्यक्रमाची सुरुवात पाहुण्यांच्या हस्ते सरस्वती देवी, लक्ष्मीमातेच्या प्रतिमेला माल्यार्पण करून दीपप्रज्ज्वलन करून झाली. इयत्ता तिसरी ते आठवीच्या विद्यार्थ्यांनी दिवाळीतील विविध दिवसांचे वसुबारस, धनत्रयोदशी, लक्ष्मीपूजन, बलिप्रतिपदा, पाडवा, भाऊबीज यांचे महत्व नाटिकेद्वारे सादर केले. तसेच ‘समुद्रमंथन’ ही कथा नाटिकेच्या माध्यमातून सादर केली. शाळेचे मुख्याध्यापक मनोज शिरोळे यांनी विद्यार्थ्यांना प्रदूषणमुक्त दिवाळी साजरी करण्याचे आवाहन केले. शेवटी पाहुण्यांच्या हस्ते सर्व विद्यार्थ्यांना भेटवस्तूंचे…

चेतना व्यसनमुक्ती केंद्राला हेमलकसाच्या लोकबिरादरी प्रकल्पाचे संचालक अनिकेत, समीक्षा आमटे यांची सदिच्छा भेट ; रुग्णमित्रांशी साधला संवाद साईमत/जळगाव/प्रतिनिधी :  आपण जेव्हा स्वतःशी ‘सेल्फ कमिटमेंट’ करतो, तेव्हाच खरा बदल आपल्या जीवनात घडतो. आपण सर्वांनी ठरवू या की, यंदाच्या दिवाळीत आपल्या परिवाराला व्यसनमुक्त जीवनाची सर्वात सुंदर भेट द्यायची आहे. सर्व रुग्णमित्रांनी स्वतःशी वचनबद्ध राहून परिवारात आनंद निर्माण करण्यासह समाजात परिवर्तन घडवावे, असे आवाहन करुन व्यसनमुक्त जीवनासाठी ‘सेल्फ कमिटमेंट’ सर्वात मोठे औषध ठरेल, असे प्रभावी प्रतिपादन हेमलकसाच्या लोकबिरादरी प्रकल्पाचे संचालक अनिकेत आमटे आवाहन केले. लोकबिरादरी प्रकल्प हेमलकसाचे संचालक अनिकेत प्रकाश आमटे आणि समीक्षा आमटे यांनी बुधवारी, १५ ऑक्टोबर रोजी जळगाव दौऱ्यादरम्यान चेतना व्यसनमुक्ती…