साईमत, अमळनेर : प्रतिनिधी
धुळे येथील चंद्राई बिग बिलिनियर मल्टीपर्पज फाउंडेशन यांच्याकडून दिला जाणारा ‘क्रांतीसूर्य महात्मा ज्योतिबा फुले राज्यस्तरीय शिक्षक गौरव पुरस्कार’ अमळनेर येथील रुक्मिणीताई कला, वाणिज्य महिला महाविद्यालयात नुकत्याच झालेल्या एक दिवशीय राष्ट्रीय शैक्षणिक परिषदेत विजयनाना पाटील आर्मी स्कुल आणि ज्युनियर कॉलेजचे उपशिक्षक अनिल नथू पाटील यांना रुक्मिणीताई कला, वाणिज्य महिला महाविद्यालयाचे प्राचार्य प्रा.डॉ. एस.जे. शेख, अकॅडमीक परफॉर्मन्स इंडिकेटर एक्सपर्ट प्रा. डॉ. दीपक पाटील, प्रा. एस.पी.ढाके यांच्या हस्ते प्रदान करण्यात आला.
हा पुरस्कार राष्ट्रीय शैक्षणिक परिषदेत ‘द रोल ऑफ नॅशनल एज्युकेशन पॉलिसी-२०२० इन इंडियन एज्युकेशन सिस्टीम’ याबद्दल शोधनिबंधाचे सादरीकरण व शैक्षणिक कार्याबद्दल प्रदान करण्यात आला. यावेळी धुळे येथील रायबा बहुउद्देशीय संस्थेचे सचिव प्रा. प्रमोद पाटील, प्रा.डॉ. मंजुषा खरोले, प्रा. डॉ. उमेश गांगुर्डे, प्रा. प्रिया पाटील आदी उपस्थित होते.
याबद्दल संस्थेचे अध्यक्ष तथा माजी केंद्रीय मंत्री विजय पाटील, संस्थेचे कार्याध्यक्ष तथा युवा नेते अनिकेत पाटील, नवलभाऊ प्रतिष्ठानचे प्रशासकीय अधिकारी डी. बी. पाटील, प्रशासकीय अधिकारी प्रा. शाम पवार, प्राचार्य पी.एम. कोळी, प्रभारी कमांडंट सुभेदार मेजर नागराज पाटील तसेच विविध स्तरातील मान्यवर, सर्व शिक्षक, शिक्षिका, शिक्षकेतर कर्मचाऱ्यांकडून कौतुक होत आहे.
