राहत्या घरात गळफास घेऊन केली आत्महत्या
साईमत/जळगाव/प्रतिनिधी :
तालुक्यातील कुसुंबा येथील ३७ वर्षीय तरूणाने राहत्या घरात गळफास घेऊन आपली जीवनयात्रा संपविल्याची घटना सोमवारी, ७ जुलै रोजी दुपारच्या सुमारास घडली. याप्रकरणी एमआयडीसी पोलीस ठाण्यात अकस्मात मृत्यूची नोंद केली आहे. विशाल परशुराम पाटील असे आत्महत्या केलेल्या तरूणाचे नाव आहे.
जळगाव तालुक्यातील कुसुंबा गावात विशाल पाटील हा तरूण आपल्या कुटुंबियांसह वास्तव्याला होता. ७ जुलै रोजी दुपारच्या सुमारास त्याने राहत्या घरात गळफास घेवून आत्महत्या केली. आत्महत्या करण्याचे कारण अद्याप समोर आले नाही. हा प्रकार लक्षात आल्यानंतर त्याचे नातेवाईक राहुल पाटील यांच्यासह शेजारी राहणाऱ्या ग्रामस्थांनी धाव घेतली. त्याला खाली उतरवून तातडीने शासकीय वैद्यकीय महाविद्यालयात दाखल केले. तेव्हा तेथील वैद्यकीय अधिकाऱ्यांनी त्याला मयत घोषित केले. तपास पो.हे.कॉ. गफुर तडवी करीत आहे.
