साईमत, मुक्ताईनगर : प्रतिनिधी
येथील जे.ई.स्कुल विद्यालयातील कला शिक्षक मनोज सुरवाडे यांनी डॉ. बाबासाहेब आंबेडकर यांचे मोठे तैलचित्र काढून त्यांना रविवारी, २६ नोव्हेंबर रोजी संविधान दिनानिमित्त अनोखे अभिवादन केले. सुरवाडे हे कला शिक्षक आहेत. आजपर्यंत त्यांनी अनेक महान व्यक्तींची तैलचित्रे रेखाटली आहेत. रंग व रेषा यावर त्यांचे प्रचंड प्रभुत्व असल्याने ते निसर्गचित्रे तेवढ्याच ताकदीने रेखाटतात.त्यांच्या सौंदर्यदृष्टीतून साकारलेल्या अनेक चित्रांमुळे शाळेचे सौंदर्य खुलून आले आहे. डॉ. बाबासाहेब आंबेडकरांचे तैलचित्र आपल्या नजरेसमोर साकार होण्याचा प्राचार्य आर.पी.पाटील यांच्यासह जे.जे.पाटील, व्ही.डी.बऱ्हाटे, सर्व सहकाऱ्यांनी अद्भुत अनुभव घेतला. अनोख्या अभिवादनामुळे सुरवाडे यांचे सर्वत्र कौतुक होत आहे.
