साईमत, कजगाव, ता.भडगाव : वार्ताहर
संपूर्ण राज्याला हादरवून सोडणाऱ्या गोंडगाव येथे झालेल्या बालिकेवर अत्याचार आणि निर्घृण हत्या प्रकरणातील आरोपीला फाशीची शिक्षा करण्यात यावी, अशा मागणीचे निवेदन कजगावच्या ग्रामस्थांनी भाजपाच्या महिला प्रदेशाध्यक्षा चित्रा वाघ आणि चाळीसगावचे आ.मंगेश चव्हाण यांना देण्यात आले.
निवेदनात म्हटले आहे की, आपण आपल्या स्तरावरून योग्य तो पाठपुरावा करावा. आपण संपूर्ण राज्यात महिला नेत्या म्हणून परिचित आहात. आपल्याला महिलांची विशेष जाण असल्याने आपण हा विषय नक्कीच गांभिर्याने घेऊन त्या नराधमाला फाशीपर्यंत घेऊन जाण्यासाठी प्रयत्न कराल, अशी मागणीही कजगाव ग्रामस्थांनी केली आहे.
यावेळी अनिल महाजन, मनोज धाडीवाल, प्रमोद ललवाणी, प्रमोद पवार, नितीन सोनार, अनिस मन्यार, निलेश पाटील, रवींद्र पाटील, नाना पाटील, ऋषिकेश अमृतकर, तेजस येवले, शाहीद मन्यार, चंद्रकांत महाजन शिवप्रसाद महाजन यांच्यासह ग्रामस्थ उपस्थित होते.
