चाळीसगाव : प्रतिनिधी
घराबाहेर खेळणाऱ्या एका ११ वर्षीय चिमुकलीला चॉकलेट खाण्यास देऊन तसेच वडिलांना मारण्याची धमकी देऊन भंगार खरेदी विक्री करणाऱ्याने तिच्यावर बलात्कार केल्याची घटना शहरात एका भागात घडली आहे. याप्रकरणी संशयिताला अटक केली आहे.
पीडित ११ वर्षीय चिमुकली घराबाहेर खेळत होती. तेव्हा भंगार विक्रेता अशफाक खान रऊफ खान याने चिमुकलीला चॉकलेट व १०० रूपये दिले. चॉकलेट खाण्यास सांगून सांगितलेले चॉकलेट न खाल्ल्यास तुझ्या वडिलांना मारून टाकेन, अशी धमकी देऊन चिमुकलीला एकाच्या घरात नेऊन तिच्यावर अत्याचार केला.
ही घटना सोमवारी, १५ जानेवारी रोजी सायंकाळच्या सुमारास घडली. याप्रकरणी अशफाक खान रऊफ खान याच्याविरोधात चाळीसगाव शहर पोलीस स्टेशनला गुन्हा दाखल केला आहे. पुढील तपास सहाय्यक पोलीस निरीक्षक दीपक बिरारी
करीत आहेत.
