काश्मीरमधील शिबिरात नाशिकच्या डॉक्टरांकडून सेवा
दहशतवादी हल्ला सुरु असतानाच ऑपरेशनची मोहीम
नाशिक (प्रतिनिधी) –
जम्मू काश्मीरच्या पहलगाममध्ये दहशतवाद्यांकडून माणुसकीला काळीमा फासणारी घटना घडत असतानाच महाराष्ट्रातील १८ डॉक्टर जम्मू-काश्मीरमधील नागरिक, महिला, मुलांवरील विविध शस्त्रक्रियेसाठी धडपडत होते. या डॉक्टरांच्या माध्यमातून तेथील ७०० रूग्णांवर शस्त्रक्रिया करून त्यांच्या दु:खावर फुंकर घालण्याचे काम करण्यात आले.
नाशिक येथील रोटरी डिस्ट्रीक्ट ३०३० मधील स्त्रीरोगतज्ञ रोटरी क्लब ऑफ नाशिक मिडटाऊनच्या रोटरीयन आणि नाशिक आयएमएच्या सचिव डॉ. मनिषा जगताप या शिबिरात स्त्रियांच्या ऑपरेशनच्या सेवेसाठी सहभागी झाल्या होत्या. या ठिकाणी गुंतागुंतीच्या अनेक शस्त्रक्रिया यशस्वी पार पडल्या.
यावेळी नांदेड येथील स्त्रीरोगतज्ञ डॉ. अनिल साखरे आणि मुंबई येथील डॉ. शिवानी अग्रवालही उपस्थित होत्या. जम्मूत मधील रोटरी क्लब ऑफ जम्मू तवी देखील सामिल होते, माजी प्रांतपाल डॉ. दुष्यंत व रोटेरियन अदिप यांनीदेखील सहभाग नोंदवला
या शिबिरात जनरल सर्जन, लॅप्रोस्कोपिक सर्जन, ऑर्थोपेडीक सर्जन, इएनटी सर्जन, भुलतज्ञ असे 20 डॉक्टरांची टीम होती. डॉ. राजीव प्रधान व डॉ. गिरीश गुणे यांच्या पुढाकारातून हे शिबिर यशस्वी झाले जम्मू काश्मीर मधील सरकारी यंत्रणांकडून सहकार्य लाभले.
N-2
