जि. प.तील आरोग्य खात्याचा अधिकारी १५ हजारांची लाच घेताना अडकला
जळगाव (प्रतिनिधी) –
येथील जिल्हा परिषदेतील आरोग्य विभागात ४ एप्रिलरोजी दुपारी जळगावच्या लाचलुचपत प्रतिबंधक प्रतिबंधक विभागाने तक्रारीवरून सापळा लावला. एका आरोग्य अधिकाऱ्याला १५ हजार रुपयांची लाच घेताना ताब्यात घेण्यात आले व इतरांची चौकशी सुरु आहे.
लाचलुचपत प्रतिबंधक विभागाकडेतक्रारदाराने लाच मागितल्याबाबत तक्रार दिली होती. आरोग्य अधिकाऱ्याने त्याचे शासकीय काम करून देण्याच्या मोबदल्यात ३० हजार रुपयांची लाच मागितली होती. एसीबीने लाच मागणीच्या सत्यतेची पडताळणी केली. त्यानंतर ४ एप्रिलरोजी दुपारी आरोग्य विभागात सापळा लावला. एका अतिरिक्त आरोग्य अधिकारी पदावरच्याच्या व्यक्तीला तडजोडीअंती १५ हजार रुपये घेताना रंगेहाथ पकडल्याची माहिती मिळाली आहे.
आरोग्य विभागातील इतर अधिकारी, कर्मचारी यांची चौकशी सुरु असून त्यांच्याकडून जळगाव एसीबीचे पथक माहिती घेत आहे. एसीबीच्या या कारवाईमुळे जिल्ह्यात खळबळ उडाली आहे. एसीबीचे डीवायएसपी योगेश ठाकूर यांच्या मार्गदर्शनाखाली पथक कारवाई करीत आहे.
