युक्रेनमध्ये ‘एमबीबीएस’ प्रवेशाच्या आमिषाने डॉक्टरांना ७ लाख ३० हजारांत गंडवले
जामनेर (प्रतिनिधी) –
युक्रेनमध्ये वैद्यकीय महाविद्यालयात एमबीबीएससाठी प्रवेश मिळवून देण्याचे आमिष दाखवून शहरातील एका डॉक्टरांची ३ भामट्यांनी ७ लाख ३० हजार रुपयांची फसवणूक केल्याचे समोर आले आहे. फत्तेपूर पोलीस ठाण्यात तीन जणांविरुद्ध गुन्हा दाखल करण्यात आला आहे.
डॉ. सुनील चव्हाण (वय ५२, रा. कापूसवाडी, ता. जामनेर) हे वैद्यकीय व्यवसाय करतात. त्यांच्या मुलाला युक्रेनमधील वैद्यकीय महाविद्यालयात एमबीबीएससाठी प्रवेश मिळवून देण्याचे आश्वासन महेश वाघमारे (रा. मुंबई), राहुल शर्मा आणि प्रेरणा कौशिक (रा. दिल्ली) या तिघांनी दिले होते. या तिघांनी संगनमत करून सुनील चव्हाण यांच्याकडून ७ लाख ३० हजार रुपये घेतले आणि त्यांची फसवणूक केली. फसवणूक झाल्याचे लक्षात आल्यानंतर सुनील चव्हाण यांनी फत्तेपूर पोलीस ठाण्यात तक्रार दाखल केली. पोलिसांनी तिघांविरुद्ध गुन्हा दाखल केला असून, पुढील तपास पो कॉ सचिन पाटील करत आहेत.
