सतर्कता बाळगल्यामुळे पुढील अनर्थ टळला
साईमत/सोयगाव/प्रतिनिधी :
घोसला येथे मुसळधार पावसाने घराची भिंत कोसळली. दरम्यान घरात झोपलेल्या महिलेने सतर्कता बाळगल्यामुळे पुढील अनर्थ टळला आहे. ही घटना बुधवारी रात्री एक वाजेच्या सुमारास घोसला गावात घडली.सोयगाव तालुक्यात झालेल्या ढगफुटीसदृश पावसाने घोसला शिवारात मोठ नुकसान झाले आहे. त्यामध्ये घरात कुटुंब गाढ झोपेत असताना अशोक गडबड पाटील यांच्या घराची भिंत कोसळली आहे.
दरम्यान, सुनंदाबाई पाटील या भिंतीला लागून झोपलेल्या असताना त्यांच्या अंगावर भिंत कोसळताच त्यांनी सतर्कता बाळगल्यामुळे पुढील अनर्थ टळला आहे. गुरुवारी, सप्टेंबर रोजी सायंकाळपर्यंत घटनेचा महसुलकडून पंचनामा झालेला नव्हता. त्यामध्ये अशोक पाटील यांच्या घराचे नुकसान झाले आहे.
