साईमत/ न्यूजनेटवर्क / जळगाव
शहरासह गावा – गावांमध्ये विक्री आणि विपणनाशी संबंधित लोकांची बैठक नुकतीच ईदगाह मैदानाजवळील मस्जिद अरकमच्या सभागृहात पार पडली. बैठकीत सेल्स युनियनची स्थापना होऊन युनियनच्या अध्यक्षपदी मुनाफ शेख यांची सर्वानुमते निवड करण्यात आली.
बैठकीत विक्री आणि विपणनाशी संबंधित सुमारे ६५ जण सहभागी झाले होते. कार्यक्रमाचे उद्देश व ध्येय यावर बख्तियार शेख यांनी सविस्तर प्रकाश टाकला. यानंतर सर्व उपस्थितांनी थोडक्यात आपली मते मांडली आणि निवडणूक प्रक्रियेत भाग घेतला. एकमुखी एकमताने युनियनची स्थापना करण्यात आली.
सेल्स यूनियन ची कार्यकारणी
अध्यक्ष मुनाफ शेख, उपाध्यक्ष मुजाहिद खान, सचिव याकुब खान, खजीनदार आबिद शेख, उपसचिव जावेद शेख, मीडिया प्रभारी बख्तियार शेख, सदस्य अज़हर शेख, रईस बागबान, फैजहान शेख, मोहम्मद इरफान, वकार शेख.
