पारोळा : प्रतिनिधी
तालुक्यातील बोळे येथून अंत्यविधीसाठी जाणारे एक पिकअप वाहन विचखेडा फाट्याजवळ आले असता वाहनाचा ताबा सुटल्याने समोरून येणाऱ्या ट्रक व जीपवर आदळल्याने भीषण अपघात शुक्रवारी दुपारी १२ वाजेच्या सुमारास झाला. या अपघातात तीन महिला ठार झाल्या असून २१ जण जखमी झाल्याचे वृत्त आहे.दरम्यान पारोळा पोलीस स्टेशनला याबाबत रितसर गुन्हा दाखल करण्याची प्रक्रिया सुरु होती.
रेखाबाई गणेश कोळी (वय ५५), योगिता रवींद्र पाटील (वय ४०, दोन्ही रा. बोळे ता. पारोळा) यांचा जागीच तर चंदनबाई गिरासे (वय ६५) यांचा उपचारासाठी नेताना मृत्यू झाला आहे.विचखेडा गावापुढे बायपास रस्त्यावर हा अपघात झाला.
पारोळा तालुक्यातील बोळे येथून शिंदखेडा तालुक्यातील चिलाणे येथे एका अंत्यसंस्कारसाठी प्रवाशी वाहतूक करणारे वाहन (एमएच १८- एम ५५५४) हे २२ जणांना घेऊन जात होते. सकाळी १२ वाजेच्या सुमारास लोखंडी रोल असलेला एक कंटेनरचा (जीजे १२ – बीडब्ल्यू ७२५४) ताबा सुटल्याने त्याने सदर पीकअपला जोरदार धडक दिली.या भीषण अपघातात तीन महिलांचा मृत्यू झाला तर २१ जण गंभीर जखमी झाले आहेत.यातील तिघांना धुळे तर इतरांना प्राथमिक उपचार करून खाजगी रुग्णालयात हलविण्यात आले. अपघाताचे वृत्त कळताच बोळे परिसरातून शेकडो नागरिकांनी अपघात स्थळी तसेच कुटीर रुग्णालय परिसरात एकच गर्दी केली
होती.
मृत्यूमुखी पडलेल्या महिला
रेखाबाई गणेश कोळी (वय ५५), योगिता रवींद्र पाटील (वय ४०, दोन्ही रा. बोळे ता. पारोळा) यांचा जागीच तर चंदनबाई गिरासे (वय ६५) यांचा उपचारासाठी नेताना मृत्यू झाला आहे.
अपघातातील जखमींची नावे
रणजीत सुरसिंग गिरासे (वय ६०), भरत रामभाऊ गिरासे (वय ६५), राजेशभाई कोळी (वय ४५), भीमकोर सत्तरसिंग गिरासे (वय ५०), भुराबाई मोहनसिंग गिरासे (वय ४०), भुराबाई तात्या गिरासे (वय ४०), रेखाबाई अधिकार गिरासे (वय ५०), नानाभाऊ सुभाष गिरासे (वय ५५), भटाबाई साहेबराव गिरासे (वय ४५), सुनिता गिरासे (वय ४४), भुराबाई भीमसिंग गिरासे, अजतसिंग दादाभाऊ गिरासे (वय ५०), सय्यद लियाकत (वय २१ रा. मालेगाव), हिराबाई विजयसिंह गिरासे (वय ४०), भीमकोरबाई जगत गिरासे (वय ६०), भगवानसिंग नवलसिंग गिरासे (वय ६५), रंजनसिंग भारतसिंग गिरासे (वय ५५), रुपसिंग नवलसिंग गिरासे (वय ६०), दयाबाई रूपसिंग गिरासे (वय ५५), राजेबाई साहेबराव कोळी (वय ४५).
