पुणे : वृत्तसंस्था
पालकमंत्री म्हणून उपमुख्यमंत्री अजित पवार यांनी आज प्रथमच पुणे जिल्हा आढावा बैठकीला सुरवात केली आहे. पुणे शहर तसेच जिल्ह्यामध्ये सुरू असलेल्या कारभाराबाबत आज आढावा बैठक घेतली.त्यानुसार पुण्यात गाजत असलेल्या ड्रग्ज प्रकरणामुळे राज्यात खळबळ माजली आहे. म्हणून ससून रुग्णालयाचे डीन डॉ.संजीव ठाकूर यांना बैठकीला बोलवण्यात आले आहे.
ड्रग्ज तस्कर ललित पाटील ससून रुग्णालयातून पलायन झाल्यानंतर ससून प्रशासन तसेच पोलीस प्रशासनेच्या कार्यक्षमतेवर शंका उपस्थित केली जात आहे.त्यासोबत १६ नंबर वॉर्डमध्ये उपचारांच्या नावाखाली आश्रय घेणाऱ्या नामांकीत गुन्हगारांची यादी प्रसारित झाल्यानंतर राज्यात मोठी खळबळ माजली आहे.या प्रकरणावर जाच बसवण्यासाठी अजित पवारांनी सर्वप्रथम आज ससूनचे डीन संजीव ठाकूर यांना बैठकीसाठी बोलवले आहे.ससूनमध्ये घडलेल्या प्रकाराबाबत सविस्तर माहिती घेऊन अजित पवार डीन संंजीव ठाकूर यांच्यावर कारवाई करतील का? हे पाहणे महत्वाचे ठरणार आहे.
ड्रग्ज तस्कर ललित पाटीलला फरार होऊन १० दिवस पूर्ण झाले असताना ललित पाटील अद्याप फरार घोषित आहे. पोलिसांनी मोठी यंत्रणा लावून ही पाटील सापडला नाही.या बाबत पुणे सत्र न्यायालयाने ही पोलिसांना फटकारले होते. मात्र, ललित पाटीलबाबत कोणतीही माहिती पोलिसांकडून मिळत नाही म्हणून पोलिसांच्या हातातून ललित पाटील फरार झाला का?अशा प्रकारचे प्रश्न उपस्थित केले जात आहे. याबाबत ही माहीती घेण्यासाठी पुणे पोलीस आयुक्त रितेश कुमार यांनी ही बैठकीला बोलवण्यात आले आहे
पुण्याचे पालकमंत्री म्हणून उपमुख्यमंत्री अजित पवार यांनी आज पुण्याचा कारभार हाती घेतला आहे. आज सकाळ सातच्या ठोक्याला कामांना सुरवात करत सगळ्या अधिकाऱ्यांची दमछाक केली आहे.पुणे जिल्हा मध्यवर्ती सहकारी बँकेची बैठक संपवल्यानंतर पुणे जिल्हा आढावा बैठकीला सुरवात केली आहे
